Ministrja e Bujqësisë dhe Zhvillimit Rural në Shqipëri, Frida Krifca, gjatë vizitës së saj në Turqi, të enjten e 11 nëntorit, u takua me homologun e saj malazez Aleksandar Stijović.
Pas takimit Krifca ka deklaruar se Mali i Zi është një nga fqinjët me të cilët Shqipëria ka ende shumë potencial për të rritur bashkëpunimin ekonomik.
Përveç kësaj ata kanë diskutuar dhe për politikën e përbashkët për mbrojtjen e bimëve. Për këtë të fundit Krifca ka kërkuar nënshkrimin e marrëveshjes së përbashkët, por edhe lehtësimin praktik të kontrolleve fitosanitare.
Gjithashtu, gjatë takimit një nga pikat e diskutimit ishte edhe ndërmarrja e angazhimit të përbashkët në rritjen e numrit të bizneseve ndërkufitare në fushën e turizmit rural.
Më tej, Krifca dhe Stijović diskutuan lidhur me vijimësinë e rritjes së bashkëpunimit për menaxhimin e përbashkët të rezervave peshkore dhe nxitjen e eksporteve të prodhimeve shqiptare të peshkimit.
Në përfundim të takimit, ministrat u shprehën optimistë në forcimin e bashkëpunimit dypalësh tek zhvillimi rural mes Shqipërisë dhe Malit të Zi edhe në aspektin rajonal dhe atë evropian.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së
-
Bardhi i përgjigjet Ramës: Do ta kuptojë shumë shpejt nëse kam bërë apo jo kallëzim në SPAK
-
Basha: Ja vija blu që të bashkohemi rreth një alternative
-
Rama: Kallëzimi i pabërë i Bardhit iu shit si sapun për djathë italianëve
