Kreu i delegacionit boshnjak në Asamblenë Parlamentare konfirmon se do të votojë pro Kosovës në Këshillin e Evropës
Shefi i delegacionit të Bosnje dhe Hercegovinës në Asamblenë Parlamentare të Këshillit të Evropës, Sasha Magazinoviç, konfirmoi se do të votojë pro anëtarësimit të Kosovës në këtë organizatë të rëndësishme evropiane, derisa shtoi se përkrahja për Kosovën buron nga bindja se të gjithë qytetarët e vendit të vogël ballkanik i meritojnë mundësitë që ofron Këshilli i Evropës.
Në një koment në platformën “X” të martën, në prag të votimit në Asamblenë Parlamentare të Këshillit të Evropës, ai deklaroi se votimi për anëtarësimin e Kosovës në organizatën kryesore për të drejtat e njeriut dhe sundimin e ligji, nuk paragjykon qëndrimet e shteteve anëtare individuale, duke qenë se Bosnje-Hercegovina akoma s’e ka njohur pavarësinë e Kosovës.
“Unë do të votoj duke u bazuar në bindjen se të gjithë qytetarët e Kosovës i meritojnë mundësitë e ofruara nga Këshilli i Evropës – që shqiptarët dhe serbët më në fund të kenë qasje në Gjykatën Evropiane për të Drejtat e Njeriut, për të jetuar në një shoqëri më të avancuar demokratikisht sesa është sot dhe për të ndjerë progresin në shtetin e së drejtës”, shkroi Magazinoviç.
Asambleja Parlamentare e Këshillit të Evropës pritet të votojë sot për anëtarësimin e Kosovës. Do të duhen 2/3 e votave të deputetëve të shteteve anëtare për t’i rekomanduar Këshillit të Ministrave – organit vendimmarrës të organizatës – që ta ftojë Kosovën të bëhet anëtarja më e re. Kjo, nëse gjithçka shkon sipas planit, pritet të ndodhë në mes të majit.
ČLANSTVO KOSOVA U VIJEĆU EVROPE
Danas se u Strasbourgu izjašnjavamo o mišljenju o članstvu Kosova u Vijeću Evrope. Ako usvojimo ovo mišljenje stvara se pretpostavka za donošenje finalne odluke sredinom maja, a koja je u ingerenciji Komiteta ministara gdje države članice… pic.twitter.com/DuGB9P74dK
— Sasa Magazinovic (@SasaMagazinovic) April 16, 2024
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Stoltenberg qorton aleatët për mbështetjen e vakët ndaj Ukrainës
-
Nga padia shtetërore për gjenocid institucionet “tkurren” në padi civile për Serbinë në Këshillin e Evropës
-
Lejuan ndërtimin e paligjshëm në Patok, arrestohet drejtori i IMT-së në Kurbin dhe pezullohen inspektorët
-
Thaçi: Kam informacione se Kurti do ta mbështesë Pendarovskin në raundin e dytë të zgjedhjeve presidenciale
Lajmet kryesore
-
Dokumentari i Rai 3: Ironi dhe akuza në Kuvendin e Shqipërisë
-
Basha drejtuar deputetëve: Të mbështesim amendamentet pro SPAK-ut dhe kundër korrupsionit
-
Rafahu nuk është Stalingradi i Gazës – është një tjetër manipulim nga Netanyahu
-
Nga padia shtetërore për gjenocid institucionet “tkurren” në padi civile për Serbinë në Këshillin e Evropës