![](https://albanianpost.com/wp-content/uploads/2022/06/memli-krasniqi-770x440-1.jpg)
Kryetari i Partisë Demokratike të Kosovës, Memli Krasniqi, ka thënë se është i shokuar nga ngjarja në shtëpinë e të moshuarve në Pejë.
“Dhuna ndaj një gruaje të moshuar nga personeli që do të duhej të kujdesej për të, tregon problemet e thella që ka shoqëria jonë. Për më shumë, dhembja është edhe më e madhe kur bëhet fjalë për keqtrajtimin e një nëne të dëshmorit të lirisë”, ka shkruar Krasniqi në Facebook.
Por sipas tij, “këtu vihet në pah edhe paaftësia institucionale për të monitoruar institucionet e kujdesit për të moshuarit në mbarëvajtjen e punës”.
“Krahas vënies para përgjegjësisë për stafin e papërgjegjshëm që lënduan një zonjë të moshuar, institucionet përgjegjëse e kanë për obligim që të sigurojnë ambient të sigurt për të moshuarit që kanë nevojë për shërbime ndaj tyre në institucionet e tilla”, shtoi kreu i PDK-së.
Krasniqi ka kërkuar që drejtësia duhet të veprojë fuqishëm që nesër rastet e tilla mos të përsëriten.
Dhunë e kërcënime në vend të empatisë, rasti monstruoz që tronditi Kosovën
Në videon e publikuar infermierja e licencuar s’pushon së godituri, derisa e moshuara kërkon të ikën nga “kthetrat” e saj.
“Pak jam t’u ia hi, qysh di me sill unë, pak jam t’u ia hi”, inkurajohet dhunuesja tashmë e arrestuar nga policia e Kosovës për sulm fizik (pos saj, është arrestuar edhe një person tjetër – motra kujdestare në këtë institucion).
Derisa ajo godiste e disa vajza të tjera i buzëqeshin aktit monstruoz, njëra prej tyre thoshte nën gaz se po e xhirojnë rastin “për media”.
Shtëpia e pleqve “Orenda” ka suspenduar katër infermiere nga puna për shkak të sulmit ndaj të moshuarës.
Ky suspendim vjen pas sulmit që u shfaq ndaj të moshuarës të mërkurën por që është raportuar se kishte ndodh një ditë më parë (të martën).
“Pas njoftimit për sjelljen e pahijshme të punëtores A.P (ushtrimi i dhunës ndaj banueses në kohën e kujdestarisë. A.P suspendohet nga puna për veprën e bërë, ndërsa A.R., R.K., dhe G.N për faktin se kanë qenë në ndërrim bashkë me A.P, por nuk e kanë lajmëruar rastin tek përgjegjësi”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Nis hetimi administrativ për skandalin e mjekëve të Onkologjikut, bën me dije Koçiu
-
Qeveria miraton rritjen e pagave të administratës, synohet mesatarja 105 mijë lekë
-
Rutte thotë fjalët e para si shefi i ri i NATO-s: Aleanca është dhe do të mbetet gur themeli i sigurisë sonë kolektive
-
Raportet e shefit të ri të NATO-s me Kosovën