Komisioni Qendror i Zgjedhjeve (KQZ) ka parashtruar dy variante për mënyrën se si mund të marrin pjesë emigrantët shqiptarë në zgjedhjet e 25 prillit.
Njëri nga variantet propozon që emigrantët të cilët duan të votojnë nga shteti ku jetojnë, duhet më parë të regjistrojnë adresën e tyre të banimit në Regjistrin e Gjendjes Civile nëpërmjet portalit “e-Albania”.
KQZ për zgjedhësit jashtë vendit do të mundësojë shërbimin online për të paraqitur kërkesën për të qënë pjesë e listës së votuesve.
Vende si Austria, Bosnjë Hercegovina dhe Sllovenia, janë shembull për këtë model.
Varianti tjetër parashikon që në KQZ të ngrihet një sistem i dedikuar emigrantëve me vendbanim të përhershëm jashtë vendit, të cilët duhet të bëjnë një kërkesë që të votojnë në zgjedhjet e 25 prillit.
Zgjedhësit jashtë vendit do të identifikohen përmes pasaportës ose kartës së identitetit shqiptar.
Edhe në këtë rast do të regjistrohet vendbanimi i përhershëm.
KQZ do të jetë në bashkëpunim të vazhduar me ambasadat e huaja për të përcjellë mesazhet informuese për procedurën e regjistrimit, mënyrën e votimit dhe protokollet teknike për realizimin e procesit.
Sipas këtij varjanti, afati për përfundimin e procedurave është 11 marsi. Deri më 16 mars, shqiptarët që kanë kërkuar të votojnë nga jashtë Shqipërisë, do të hiqen nga listat e votuesve brenda vendit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Komision i Posaçëm për sundimin e ligjin, Rama thirrje opozitës: Të punojmë për Shqipërinë evropiane
-
Tension në protestën e opozitës para Bashkisë së Tiranës, qytetarët heqin kordonin policor
-
Putini betohet në mandatin e tij të pestë si president
-
Kosova e Serbia s’mund të përfitojnë nga miliardat e BE-së pa i normalizuar raportet
