Me fillim në orën 07:00 mëngjesin e së shtunës, 2 tetor, ashtu siç parashihej me marrëveshjen e arritur në Bruksel, mes Kosovës e Serbisë, Njësitet e KFOR-it janë vendosur në pikat kufitare në Veri të Kosovës, Jarinje dhe Bërnjak.
Ata kanë zënë vendet ku Njësia Speciale e Kosovës ka qëndruar qysh nga 20 shtatori.
Ushtarët e KFOR-it janë vendosur pikërisht në vendet ku më parë qëndronin njësitë elite të Policisë së Kosovës.
Ishin ushtarët e KFOR-it lituanez që janë vendosur në Bërnjak, në pikën kufitare, ku edhe ekipi i Albanian Post, po përcjell qysh nga mëngjesi i hershëm operacionin e largimit të Policëve të Kosovës dhe zëvendësimin e tyre me paqeruajtësit e NATO-s.
Siç raporton, Blerta Ahmeti, gazetare e Albanian Post në vendin e ngjarjes, atje janë shfaqur edhe përfaqësues të Listës Serbe, të cilët prapa kamerave kanë thënë se janë aty për t’u kujdesur që gjithçka të shkojë në rregull.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Blinken luan kartën saudite
-
Shpërthim me lëndë plasëse në banesën e gjyqtarit në Shkodër
-
Strategjitë dhe metodat e shpërndarjes së lajmeve të rreme për keqinformim – Si i përdor Kremlini?
-
Asunta, historia e vërtetë e vajzës 12-vjeçare të vrarë nga prindërit e saj: Burri i maskuar, qetësuesit, pornografia aziatike dhe varri pa emër
