“Triumf i jashtëzakonshëm i sportit kosovar!”, e ka konsideruar Presidentja e Kosovës, Vjosa Osmani, vendimin e Asamblesë së Përgjithshme të Komitetit Ndërkombëtar të Lojërave Mesdhetare, që Kosova të jetë nikoqire e Lojërave Mesdhetare 2030.
“Kosova do të organizojë Lojërat Mesdhetare 2030 duke i hapur dyert për 26 shtete nga tri kontinente dhe afër 5 mijë sportistë”, shkroi Osmani në Facebook.
E para e vendit e përgëzoi Komitetin Olimpik të Kosovës dhe të gjitha institucionet e Kosovës të angazhuara në këtë arritje të madhe.
“Pa dyshim se Lojërat Mesdhetare do të jenë frymëzim për shumë të rinj e të reja, si dhe për sportistët kosovarë që të prekin majat e suksesit!”.
Kosova ka fituar të drejtën për organizimin e Lojërave Mesdhetare për vitin 2030.
Këtë e ka vendosur Asambleja e Përgjithshme e Komitetit Ndërkombëtar të Lojërave Mesdhetare (ICMG), e cila është mbajtur në Heraklion të Greqisë.
Kandidatura e Kosovës ka marrë 55 vota pro në Asamblenë e Përgjithshme të Komitetit Ndërkombëtar të Lojërave Mesdhetare, derisa tetë kanë qenë kundër dhe tri abstenime.
Për shtetin e Kosovës, kjo është një arritje tejet e madhe, pasi që në këtë kompeticion do të marrin pjesë 26 shtete nga tri kontinente.
Kandidatura e Kosovës u prezantua nga Kryeministri Albin Kurti, Kryetari i Komitetit Olimpik të Kosovës, Ismet Krasniqi, si dhe Sekretari i Përgjithshëm i KOK-ut, Besim Aliti.
Këtë lajm, Kryeministri i Kosovës, Albin Kurti, e ka konsideruar “arritje e jashtëzakonshme”, teksa i ka uruar të gjithë qytetarët.
Qeveria e Kosovës, përmes mbledhjes në formë elektronike të mërkurën e 6 shtatorit, kishte bërë të ditur se ka miratuar vendimin për kandidaturën për organizimin e Lojërave Mesdhetare 2030.
Se Kosova do të ishte zyrtarisht shtet kandidat për organizimin e Lojërave Mesdhetare 2030, ishte bërë me dije me 4 prill.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Si ia futën kot Osmani e Haxhiu për “padinë për gjenocid në Strasburg”, juristët përqeshin presidenten e ministren
-
Media, halli i ‘Heroit’ të Tiranës
-
Sulmi i përsëritur ndaj dëshmitarëve dhe gjyqtarëve, Trump rrezikon arrestin
-
Gërvalla injoron të gjeturat e raportit të DASH-it e Freedom House, thotë se Kosova është në krye të luftës kundër korrupsionit