Kontrabandimi i armëve dhe i terrorizmit në Kosovë bëhet përmes Kishës Ortodokse Serbe, thotë Çanak
Ish-deputeti serb dhe Kryetari i Lidhjes Socialdemokrate të Vojvodinës, Nenad Çanak, ka thënë se kontrabdanimi i armëve rrjedhimisht edhe i terrorizmit për në Kosovë bëhet përmes Kishës Ortodokse Serbe.
Një dukuri i tillë, sipas politikanit jotipik serb, i cili përveç bindjeve liberale, është ndër të rrallët që ka pranuar shtetësinë dhe pavarësinë e Kosovës, nuk ndodhë vetëm në Kosovë, por edhe në Bosnje e Hercegovinë e në Mal të Zi.
“Në Bosnjë dhe Hercegovinë, kontrabanda e armëve për kampet terroriste ruse të Dodikut kalon përmes Kishës Ortodokse Serb. Edhe në Kosovë i gjithë terrorizmi dhe armatimi ‘patriotik’ kalon përmes Kishës Ortodokse Serbe”, ka shkruar Çanak në platformën sociale, X.
Mali i Zi, vlerëson ai, përveç se është i armatosur “deri në dhëmbë”, zgjedhjet atje determinon Kisha Ortodokse Serbe.
“Tanket e Ish-armatës Jugosllave të vitit 1991 sot janë kandilat e Kishës së Serbisë”, ka shtuar ai.
U BiH šverc oružja za Dodikove ruske terorističke kampove ide preko SPC. Na Kosovu sav "patrijotski" terorizam i naoružavanje ide preko SPC. U CG su naoružanni do zuba, izbori se kupuju preko crkve. Tenkovi JNA 1991. danas su kandila Crkve Srbije.
Nije dobro.— Nenad Čanak 🇺🇦 🇬🇪 (@XXLTulip) November 24, 2023
Më 24 shtator Kosova u ballafaqua nga një agresion serb i realizuar nga një grup terroristësh mu në krye me Milan Radojçiç-in, ish-nënkryetarin e Listës Serbe.
Grupi terrorist ishte i pajisur me armatime të sofistikuara ushtarake ndërsa kishin kaluar kufirin në mënyrë ilegale me qëllim aneksimin e Veriut, sipas autoriteteve kosovare.
Pas zmbrapsjes së sulmit nga ana e Policisë së Kosovës në dhe rrethinën e Manastirit të Banjës, ku ndodhi sulmi terrorist e mbeti i vrarë një pjesëtar i Policisë së Kosovës, u gjet një numër i konsiderueshëm i armatimit ushtarak.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ben Jelloun: “Nuk është një revoltë anti-hebreje”
-
Një lumë parash nga arabët dhe kinezët: ja si e ndryshojnë lëkurën universitetet amerikane
-
Me ardhjen e Qeverisë Kurti ndryshoi qasja e Kosovës për marrëveshjen përfundimtare, thotë Lajçak
-
SPAK mbyll hetimet, çon për gjykim Pëllumb Gjokën dhe anëtarë të tjerë të grupit kriminal
Lajmet kryesore
-
Rama konfirmon vizitën në Athinë më 12 maj
-
SPAK mbyll hetimet, çon për gjykim Pëllumb Gjokën dhe anëtarë të tjerë të grupit kriminal
-
Një lumë parash nga arabët dhe kinezët: ja si e ndryshojnë lëkurën universitetet amerikane
-
Me ardhjen e Qeverisë Kurti ndryshoi qasja e Kosovës për marrëveshjen përfundimtare, thotë Lajçak