Në limitet e afatit, Kongresi i Shteteve të Bashkuara ka miratuar një ligj për financimin e aseteve shtetërore; muzetë federalë, parqet kombëtare dhe programet e sigurisë.
Presidenti i SHBA-ve, Joe Biden, ka nënshkruar një ligj si masë të përkohshme.
Kjo, për të mbajtur qeverinë të financuar deri në fillim të dhjetorit dhe për të shmangur një tjetër mbyllje federale.
Në të përfshihen gjithashtu edhe burime financiare për lehtësimin e dëmeve nga uragani dhe për refugjatët afganë.
Ky financim i momenteve të fundit siguron që agjencitë federale nuk do të kenë nevojë të mbyllen.
Prej kësaj përfitojnë qindra mijëra punonjës të qeverisë, të cilët nuk do të duhet të marrin leje të papaguar.
Ndërtimi i votimit
Të mërkurën e 29 shtatorit, republikanët dhe demokratët arritën një marrëveshje për ta mbajtur qeverinë të hapur deri më 3 dhjetor.
Kjo, përmes një buxheti të përkohshëm në formën e një rezolute të vazhdueshme.
Masa kaloi në Senat me 65 vota pro kundrejt 35 kundër të enjten e 30 shtatorit.
Kongresi gjithashtu përballet me një afat tjetër urgjent. Qeveria amerikane është vendosur të arrijë kufirin e saj të huamarrjes brenda disa javëve.
Paralajmërimi
Sekretarja e Thesarit nё Shtetet e Bashkuara(SHBA), Janet Yellen paralajmëroi më herët ligjvënësit se qeveria federale ka të ngjarë të ngelet pa para tё gatshme, deri më 18 tetor.
Vlerësimi i ri nga Yellen tregonte se SHBA-tё mund të mos paguanin dot borxhin e tyre brenda disa javësh, nëse Washington-i nuk vepronte.
Më parë, Departamenti i Thesarit vlerësoi se, “pritet nga momenti në moment të përfundojnë paratё e printuara”.
Paralajmërimi erdhi disa orë pasi republikanët e Senatit bllokuan një projekt–ligj, i cili do të hiqte kufirin e borxhit.
Yellen paralajmёroi se, “afati i 18 tetorit është vetëm një vlerësim sepse flukset e parave të qeverisë federale janë subjekt i ndryshueshmërisë së pashmangshme”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Greqia përgjigjet ashpër pas betimit të Davkovës si Presidente e “Maqedonisë”: Kursi evropian varet nga Prespa, respektoni marrëveshjen
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
Rusët thjesht hynë brenda, thonë për BBC trupat ukrainase në Kharkiv
-
PD letër Nikollës, për të ‘kthyer në shina’ Komisionin Hetimor për Shëndetësinë
Lajmet kryesore
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Rusia pretendon se ka pushtuar pesë fshatra kufitare në Kharkiv mes ofensivës së re
-
Synimi i Kurtit për ta (ri)marrë Prizrenin | Totaj: Sa ka qenë LVV-ja në pushtet, qyteti ka përjetuar fazën e stagnimit