Grand-slam i parë i vitit në Tenis, Australian Open, sot ka mësuar edhe katër emra tjerë që do të kompetojnë çerekfinalet.
Ndryshe nga dita e djeshme, kur të gjitha takimet përfunduan me fitore 3-0 me sete, sot gjërat ishin më interesante.
Dueli i parë i ditës ishte ai mes kroatit Marin Cilic dhe kanadezit Felix Auger-Aliassime.
Cilic, numri 27 në botë, e nisi takimin më mirë, duke fituar setin e parë në vetëm 35 minuta me rezultat 6-2.
Mirëpo, numri nëntë ktheu gjithça duke fituar tri setet e radhës.
Takimi u mbyll me rezultat 1-3 (6-2, 6-7, 2-6, 6-7) në favor të kanadezit, në një ndeshje që dhuroi shumë spektakël.
Ndeshja zgjati plot 3 orë e 35 minuta.
Njëjtë përfundoi edhe ndeshja e dytë, mes amerikanit Maxime Cressy dhe numrit dy të botës, Daniil Medvedev.
Kjo ndeshje zgjati pesë minuta më pak se e kaluara.
Medvedev morri dy setet e para të takimit, me Cressy-n që fitoi të tretin në tentativë që të kthehet në ndeshje.
Por, Medvedev fitoi setin e katërt duke e mbyllur takimin 1-3 (2-6, 6-7, 7-6, 5-7) me sete.
Daniil Medvedev në çerekfinale do të përballet pikërisht me kanadezin Felix Auger-Aliassime.
Ndeshja më e shkurtë e ditës ishte ajo mes Alex de Minaur dhe Janik Sinner.
Ky i fundit, që ndodhet i dhjeti në botë në ranklistën ATP, fitoi me rezultat 0-3 (6-7, 3-6, 4-6).
Ndeshja zgjati 2 orë e 35 minuta, me Sinner që vazhdon të jetë një ndër lojtarët më në formë të turneut.
Kurse, ndeshja më interesante e ditës është ajo që sapo përfundoi, mes Taylor Harry Fritz dhe Stefanos Tsitsipas.
Ndryshe nga çpritej, Fritz bëri shumë konkurrencë duke e dërguar ndeshjen deri në pesë sete.
Në fakt, në shumë raste ai dukej se po i drejtohej fitores, por përvoja e grekut numër 4 në botë e bëri të vetën.
Në 3 orë e 23 minuta, ndeshja u mbyll 2-3 (6-4, 4-6, 6-4, 3-6, 4-6) me sete.
Tsitsipas në çerekfinale do të përballet me italian Sinner.
Kurse përveç këtyre dy ndeshjeve, çerekfinalet tjera janë:
Nadal – Shapovalov
Monfils – Berrettini
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama konfirmon vizitën në Athinë më 12 maj
-
SPAK mbyll hetimet, çon për gjykim Pëllumb Gjokën dhe anëtarë të tjerë të grupit kriminal
-
Nëse Trump fiton, do të kërkojë angazhim me 3% të PBB-së për vendet e NATO-s
-
Me ardhjen e Qeverisë Kurti ndryshoi qasja e Kosovës për marrëveshjen përfundimtare, thotë Lajçak