Marsi i vitit 2022, do të jetë muaji kur Komisioni i Venecias do të ofrojë opinion për koncept-dokumentin e Ministrisë së Drejtësisë mbi çështjen e Vetting-ut.
Të paktën kështu ka bërë të ditur ministria e Drejtësisë në faqen zyrtare.
Komisioni i Venecias thuhet se më datën 10 ose 11 dhjetor do të jetë pjesë e seancës plenare të këtij komisioni.
“Kërkesa për këtë opinion është dorëzuar nga Ministri i Drejtësisë së Kosovës më 26 tetor 2021. Draft opinioni do të jetë në rendin e ditës të seancës plenare të dhjetorit të Komisionit (10-11 dhjetor 2021)”, thuhet në njoftimin e komisionit gjyqësor të Bashkimi Evropian.
Në muajin nëntor, ministrja e Drejtësisë, Albulena Haxhiu, në takimin e parë të grupit punues për hartimin dhe finalizimin e legjislacionit për procesin e Vettingut në sistemin e drejtësisë kishte bërë të ditur se koncept – dokumenti është dërguar për vlerësim në Komision të Venecias.
“Koncept-dokumentin e kemi dërguar edhe në Komision e Venecias. Kemi marrë përgjigje pozitive që i njëjti koncept-dokument, me opsionet që i kemi ndjekur do të trajtohet dhe do të na vijnë përgjigje nga Komisioni i Venecias”, pati thënë Haxhiu.
Raporti i Komisionit Evropian për Kosovën e kishte konsideruar se Vettingu do duhej të ishte masë e fundit dhe e jashtëzakonshme pasi të jenë shteruar të gjithë mekanizmat.
Raporti madje kishte konstatuar se rivlerësimi i menjëhershëm i gjyqtarëve paraqet një burim shqetësimi serioz.
Ndryshe, më 20 nëntor Këshilli Prokurorial i Kosovës dhe Këshilli Gjyqësor kanë bojkotuar punën e grupit punues që po bëhet për hartimin e legjislacionit për procesin e Vettingut.
Por pavarësisht kësaj, në Ministrinë e Drejtësisë kanë thënë se kjo nuk do t’i pengojë ata që të vazhdojnë me reformën të cilët e konsiderojnë të rëndësishme për sistemin e drejtësisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përtej shkarkimit të bujshëm të Shoigut, çfarë dihet për ristrukturimin e kabinetit të Putinit?
-
Socialistët e Spanjës fitojnë votën katalanase, ndërsa separatistët humbasin terren
-
Sulmi rus në Kharkiv vazhdon, pasi Moska thotë se ka marrë pesë fshatra
-
Erdogan me sytë te Egjeu, energjia dhe emigracioni i parregullt, përpara takimit me Mitsotakis
Lajmet kryesore
-
Rama i shpërfill akuzat e Belerit, i quan histori të politikës greke
-
Komisioni Hetimor për shëndetësinë në ngërç, do të marrë zgjidhje?
-
Erdogan me sytë te Egjeu, energjia dhe emigracioni i parregullt, përpara takimit me Mitsotakis
-
Raundi i 7-të për dinarin gjatë javës – rasti i fundit për zgjidhje apo vazhdim i krizës?