Kontrolli i Lartë i Shtetit (KLSH) ka nisur të enjten e 5 gushtit auditin nëpër institucionet “e emergjencave”.
Shkak për këtë është bërë paraqitja e forcave apo punonjësve në vatrat e zjarrit pa pajimet dhe pajisjet bazë.
Fillimisht, kontrolli do të nisë nga Drejtoria e Përgjithshme e Emergjencave Civile. Më pas, do të vijojë me strukturat e tjera përgjegjëse për emergjencat civile.
Institucioni i tretë, i cili do të auditohet, do të jetë Ministria e Mbrojtjes.
Më pas, në “lupën” e KLSH-së do të kalojnë edhe hallkat e qeverisjes vendore.
Arben Shehu, kreu i KLSH-së, ka urdhëruar auditimin e tenderimeve të viteve të fundit nga këto instanca për blerjen e pajisjeve të emergjencave.
Më herët, një kontroll i KLSH-së u ndërpre, pasi kreu i Drejtorisë së Përgjithshme të Emergjencave Civile, Haki Çako, nuk gjendej në ambientet e institucionit, në një kohë emergjencash ku Shqipëria ishte përfshirë nga zjarret me vatra në veri dhe në jug të vendit.
Pas publikimit të këtij lajmi, dy ishin reagimet e menjëhershme, ajo e kreut të KLSH-së, Arben Shehu dhe i Presidentit të Republikës së Shqipërisë, Ilir Meta.
Pas rikthimit të zyrtarit të emergjencave në detyrë, ka vijuar kontrolli në ambientet e institucionit.
KLSH
Kontrolli i Lartë i Shtetit (KLSH) paralajmëroi nisjen e një kontrolli në terren ndaj strukturave që menaxhojnë shuarjen e zjarreve.
Këto kontrolle kanë ardhur me urdhër të kryetarit Arben Shehu. Inspektorët e KLSH-së kanë zbritur në të gjitha qytetet problematike, përfshirë Vlorën dhe Fierin, ku situata paraqitet më e rëndë.
Kontrolli do të verifikojë menaxhimin që po bëhet për procesin e shuarjes së zjarreve, duke nisur nga përdorimi i pajisjeve, si dhe ana organizative.
Gjithashtu, KLSH-ja do të verifikojë tenderimet për pajisjet e zjarrfikësve, si dhe hallkave të tjera të emergjencave civile, nëse përputhen fizikisht me ato që janë blerë, si dhe mungesën e tyre gjatë operacioneve.
Situata e zjarreve
Aktualisht në të gjithë vendin janë 6 vatra aktive.
Ky është bilanci i Ministrisë së Mbrojtjes në Republikën e Shqipërisë, nëpërmjet një deklarate zyrtare ku ka bërë me dije gjendjen e vatrave të zjarrit.
Sipas ministrisë, dy vatra janë shuar plotësisht, ndërsa një vatër mbetet e izoluar.
Zjarri në Gadishullin e Karaburunit vijon të jetë aktiv. Vazhdon operacioni sërish sot për shuarjen e vatrave.
I izoluar është zjarri në fshatin Cukal, njësia administrative Shllak, Bashkia Vau i Dejës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Për britaniken Express, Dhërmiu është destinacioni më i bukur evropian për pushimet 2024
-
Përfshihet nga flakët trageti i linjës Sarandë-Korfuz
-
Zbardhen detaje tronditëse në Shkodër, nëna me 3 fëmijët mund të jenë vetëvrarë nga dhuna sistematike e bashkëshortit
-
Tragjike në Shkodër – Zhduket nëna me 3 fëmijët, një i mitur gjendet i pajetë në lumin Drin