Kryebashkiaku i Kiev-it, Vitaly Klitschko i është drejtuar të gjithë qytetarëve të Kiev-it se “nata do të jetë shumë e vështirë”.
Fillimisht, ish-boksieri ukrainas do të deklaronte se termocentrali i Kiev-it ishte shkatërruar.
Kjo është një shenjë, vijoi kryebashkiaku, se ushtria ruse po synon infrastrukturën kritike në kryeqytet.
Ky njoftim pason një raport tjetër nga Klitschko se pesë shpërthime u dëgjuan në tre deri në pesë minuta pranë një termocentrali në veri të Kiev-it.
“Shërbimet e urgjencës janë duke u zhvilluar. Ne po zbulojmë detajet”, tha Klitschko për pesë shpërthimet.
Por ky lajm do të hidhej poshtë nga mediat vendase.
Ai shtoi se situata aktuale “pa ekzagjerim”, është kërcënuese për Kiev-in.
Sipas Klitschko, urat janë marrë nën mbrojtje dhe kontroll të posaçëm në kryeqytet.
Mbi to janë në shërbim pajisje ushtarake dhe luftëtarë të Forcave të Armatosura.
Po ashtu po ngrihen postblloqe jo vetëm në hyrjet kryesore të qytetit. Por po vendosen edhe blloqe që bllokojnë qarkullimin pranë objekteve strategjike në kryeqytet, tha ai.
“Falënderoj banorët e qytetit për gatishmërinë e tyre për të dalë në mbrojtje të kryeqytetit dhe të vendit, së bashku me njësitë e tjera të Forcave të Armatosura dhe forcat ligjzbatuese”, shtoi Klitschko.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel