Një sulm ‘terrorist’ vrau katër anëtarë të forcave të sigurisë të Iranit në juglindje të vendit.
Lajmi u bë i ditur nga agjencia franceze “AFP”, duke cituar agjencinë shtetërore iraniane “IRNA”.
IRNA tha se të vdekurit i përkisnin Korpusit të Gardës Revolucionare Islamike (IRGC) dhe u vranë “gjatë një akti terrorist” në rajonin e Saravanit pranë kufirit me Pakistanin.
Rajoni është një nga më të varfërit e Iranit dhe është shtëpia e pakicës Baluchi, të cilët i përmbahen Islamit Sunit dhe jo degës shiite që mbizotëron në Iran.
“Prania e fuqishme e forcave të sigurisë i shtyu elementët e grupit të iknin drejt Pakistanit”, tha IRNA, pa dhënë detaje të mëtejshme mbi sulmuesit.
Zona ka parë më parë përleshje me bandat e kontrabandës së drogës, si dhe me rebelët nga pakica Baluchi dhe grupet ekstremiste myslimane sunite.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com