Edward Joseph, ligjërues universitar, njohës i rrethanave politike në Ballkanin Perëndimor dhe analist i politikës së jashtme, ka denoncuar Serbinë për “shkelje flagrante” të Marrëveshjes Bazë (Bruksel, 27 shkurt) dhe Aneksit të Implementimit (Ohër, 18 mars) për normalizimin e marrëdhënieve Kosovë-Serbi nën ndërmjetësimin e Bashkimit Evropian (BE).
Joseph, nëpërmjet një postimi në platformën “X” të martën, ka thënë se në prag të takimit të Këshillit për Çështje të Përgjithshme të BE-së, kryediplomati serb, Ivica Daçiç, ka vazhduar ripërtëritjen e deklaratave kundër zbatimit të marrëveshjeve në kuadër të dialogut, duke shkelur nenin 4 për mospengimin e anëtarësimit të Kosovës në organizatat ndërkombëtare.
Ai ka risjellë në fokus deklaratën e shefit të diplomacisë serbe se Serbia “nuk do të pranojë asnjë interpretim që nënkupton njohjen e Kosovës dhe se nuk ka anëtarësim në Organizatën e Kombeve të Bashkuara (OKB)”, zgjatuar në deklaratën e fundit se Kosova “nuk mund të bëhet kurrë anëtare në Organizatën për Siguri dhe Bashkëpunim në Evropë (OSBE)”.
“Ky është kundërshtim flagrant i nenit 4 të marrëveshjes së shkurtit për rrugën drejt normalizimit ndërmjet Kosovës dhe Serbisë. Vërejtjet e Daçiçit në Këshillin Ministror të OSBE-së në Shkup javën e kaluar shkojnë përtej retorikës zgjedhore. Janë deklarata të qarta të kahershme”, ka shkruar ai.
Serbia ka shkelur nenin 4 të Marrëveshjes Bazike që përcakton qartë se Serbia s’do të kundërshtojë anëtarësimin e Kosovës në asnjë organizatë ndërkombëtare. Kur bëhet fjalë për marrëveshjet e mëhershme në kuadër të dialogut, lista e shkeljeve të Serbisë është shumë e gjatë: vulat doganore, diplomat universitare, lëvizja e lirë, letërnjoftimet dhe targat e veturave.
As the European Council approaches – with key Conclusions for Serbia and Kosovo in the balance – Serbian FM Dacic continues to advance Kosovo’s demand that Belgrade actually sign all three EU/US backed proposals. 🧵1/4
— Edward P. Joseph (@edwardpjoseph) December 5, 2023
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Biden i kërkon Egjiptit dhe Katarit të “ushtrojnë të gjitha përpjekjet” për të siguruar armëpushim në Gaza
-
Erion Veliaj paraqitet në SPAK për inceneratorin e Tiranës
-
“El Correo”: Shqipëria, destinacioni evropian në trend dhe tërheqës
-
Butikofer: BE-ja mos të lejojë që Serbia të pengojë anëtarësimin e Kosovës në KiE
Lajmet kryesore
-
BE thotë se nevojiten më shumë burime për të luftuar dezinformimin rus – Ballkani i prekur
-
Erion Veliaj paraqitet në SPAK për inceneratorin e Tiranës
-
Firmat kineze kalojnë ‘nëntokë’ në pagesat e Rusisë ndërsa bankat tërhiqen
-
Regjistrimi i serbëve në Veri do të shfaqte manipulimet me listat zgjedhore – “hezitimi, rezultat i institucioneve të Kosovës”