Irani siguron Kinën: Nuk duam përshkallëzim të mëtejshëm

Kina beson se Irani mund të “menaxhojë mirë situatën dhe të shmangë turbulencat e mëtejshme në rajonin e Lindjes së Mesme”, duke ruajtur sovranitetin dhe dinjitetin e tij.

Ky është mesazhi që ministri i Jashtëm kinez Wang Yi i dërgoi homologut të tij iranian Hossein Amir-Abdollahian, sipas një shënimi të lëshuar nga agjencia zyrtare Xinhua.

Amir-Abdollahian i ka thënë Wang se Irani është i vetëdijshëm për tensionet rajonale, është i gatshëm të tregojë përmbajtje dhe nuk ka ndërmend përshkallëzimin e mëtejshëm, raporton Xinhua.

Wang dënon sulmin izraelit, duke falënderuar Iranin që nuk synoi vendet fqinje ndërsa bombardonte Izraelin.

Wang i ka thënë gjithashtu ministrit të Jashtëm të Arabisë Saudite Faisal bin Farhan Al Saud se Kina është e gatshme të punojë me Riadin për të shmangur përshkallëzimin e mëtejshëm në Lindjen e Mesme.

Riadi, nga ana e tij, “pret fuqishëm” që Kina të luajë një rol aktiv dhe të rëndësishëm në këtë drejtim dhe se është i gatshëm të forcojë komunikimin dhe koordinimin me Pekinin për të promovuar një armëpushim të menjëhershëm dhe të pakushtëzuar në Gaza.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.