Drejtuesit e Inter-it janë vënë seriozisht në garë për të transferuar futbollistin e Juventus-it, Paolo Dybala-n.
Sipas “La Gazzetta dello Sport” drejtori sportiv i Inter-it, Beppe Marota, pritet që gjatë javës së ardhshme të takohet me agjentin e futbollistit, për të tentuar ndonjë marrëveshje.
Dybala-s i skadon kontrata me bardhezinjtë në verën e ardhshme, por palët ende nuk e kanë gjetur gjuhën e përbashkët për ta rinovuar atë.
Dybala, la Juve frena, l'Inter rilancia: Contatto tra Marotta e l'agente dell'argentino https://t.co/sylC0LWnpW
— La Gazzetta dello Sport (@Gazzetta_it) March 5, 2022
Sipas mediave në Itali, Juventus-i i ka ofruar argjentinasit një kontratë tre-vjeçare me një pagë prej 7 milionë euro në sezon plus bounuse.
Ndërsa Dybala kërkon 2 milionë më shumë dhe një kontratë më të gjatë.
Nga kjo mosmarrëveshje mes tyre, kërkojnë të përfitojnë drejtuesit e Inter-it, në mënyrë që ta transferojnë Dybala-n me parametra zero gjatë afatit kalimtar veror.
Kujtojmë që 28 vjeçari u kërkua edhe gjatë afatit kalimtar veror të kaluar te Inter-i, por ai në fund vendosi që të qëndrojë në Torino.
Dybala është pjesë e Juventus-it që nga vera e vitit 2015, kur u transferua nga Palermo për shumën e 41 milionë eurove.
Deri më tani, ai ka zhvilluar 281 ndeshje me fanellën bardhezi, prej të cilave ka realizuar 112 gola.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Greqia përgjigjet ashpër pas betimit të Davkovës si Presidente e “Maqedonisë”: Kursi evropian varet nga Prespa, respektoni marrëveshjen
-
Kurti: Vrasjet pa dallim moshe e gjinie, dëshmi e gjenocidit serb në Kosovë