E humbi garën për kryetar të Gjilanit, Haziri paralajmëron Kuvend të jashtëzakonshëm zgjedhor në degën e LDK-së
![](https://albanianpost.com/wp-content/uploads/2021/02/LUTFI-HAZIRI-FOTO.jpg)
Lidhja Demokratike e Kosovës në Gjilan ka paralajmëruar Kuvend të jashtëzakonshëm zgjedhor brenda 90 ditëve.
Nëpërmjet një komunikate, LDK-ja në Gjilan bëri të ditur se të shtunën në strukturat e partisë, është mbajtur takim me Kryesinë, kryetarët e nëndegëve dhe struktura të tjera.
“Me këtë rast, kryetari Lutfi Haziri ka falënderuar të gjithë qytetarët për besimin e madh ndaj tij dhe LDK-së në zgjedhjet e 17 tetorit dhe ato të 14 nëntorit”, thuhet në komunikatën e LDK-së.
Derisa kryetari aktual i Gjilanit, Lutfi Haziri, ka falënderuar për angazhimin.
![](https://albanianpost.com/wp-content/uploads/2021/09/LDK.png)
“Kryetari Haziri ka falënderuar strukturat e Degës për angazhimin e jashtëzakonshëm, duke e bërë rikthimin e madh të LDK-së si parti e parë në Kuvendin Komunal”.
Alban Hyseni nga Lëvizja Vetëvendosje ka fituar komunën e Gjilanit në zgjedhjet e 14 nëntorit.
Hyseni nga Lëvizja Vetëvendosje ka marrë 51,17 për qind të votave apo 20,100 vota, ndërsa Lutfi Haziri nga Lidhja Demokratike e Kosovës ka marrë 48,83 për qind ose 19,177 vota.
Haziri e kishte uruar Hysenin për fitoren.
“z. Alban Hyseni është kryetari i ri i Gjilanit. Duke qenë kryetar në detyrë, do të filloj bartjen e përgjegjësive, gjilanasit i përgëzoj për kulturën në zgjedhje. Vetëvendosjes ja ka besuar kryetarin e komunës, do të vazhdoj të jem i interesuar për zhvillimin e qytetit tim”, kishte deklaruar Haziri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gërvalla: KiE të marrë sa më shpejtë një vendim për Kosovën
-
Kurti uron Berset: Kosova thellësisht e përkushtuar për vlerat themelore të Këshillit të Evropës
-
Bajrami thotë se raporti që iu dërgua BE-së për Banjën është “faktik” dhe “bindës”
-
“Pa u sanksionuar Serbia, s’do të ketë dialog”: Kurti harron kushtin e vendosur vetë pas Banjskës