Gruaja e dytë që pretendon se është përdhunuar nga kolegët teksa punonte në CBI

Një grua ka pretenduar se është përdhunuar nga dy kolegë meshkuj kur punonte në Konfederatën e Industrisë Britanike (CBI).

Gruaja ka treguar për “The Guardian” se incidenti ndodhi kur ajo ishte e punësuar në një zyrë jashtë shtetit të grupit më të shquar të lobit të biznesit në Britani.

Ajo fajëson kulturën në CBI për mungesën e mbështetjes pas asaj që pretendon se i ndodhi.

Dhe kjo është gruaja e dytë që pretendon se ka qenë viktimë e përdhunimit në CBI – pason një tjetër anëtare të stafit që pretendoi se u përdhunua nga një menaxher në një festë verore me varkë në vitin 2019 në lumin Thames.

Burimet e medias britanike pohojnë se gruaja ishte dekurajuar në mënyrë aktive nga raportimi i përndjekjes në polici dhe autori i supozuar vazhdoi punën e tij.

Viktima e dyshuar e përdhunimit iu afrua “The Guardian” pasi lexoi pretendimet e bëra nga gra të tjera që punonin në CBI.

Ajo ka treguar se nuk kishte rrugëdalje me akuzat e saj në atë kohë për shkak të asaj që ajo ndjente se ishte mungesa e mbështetjes së burimeve njerëzore për punëtorët jashtë selisë së CBI-së në Londër.

Pas një nate me kolegët, gruaja pretendon se u zgjua me dy burrat në të njëjtën dhomë me të.

Asaj nuk i kujtohet të ketë qenë pëlqimi për aktivitet seksual me asnjërin mashkull dhe ka përshkruar në detaje se si shenjat fizike e bënë të besonte se ishte përdhunuar.

Ajo pretendon se burrat më vonë bënë komente që sugjeronin se ishin përfshirë në aktivitet seksual me të.

“Shumë njerëz përdhunohen. Unë nuk e fajësoj CBI-në për përdhunimin. Unë isha vërtet e re dhe njerëzit më shfrytëzuan pas një nate në të cilën isha e pirë,” ka thënë viktima e dyshuar e përdhunimit.

“Unë fajësoj CBI-në për një atmosferë që u lejua të ushqejë ndjenjën e besimit të njerëzve. Që ata të mund të vepronin në këtë mënyrë dhe më pas të mos ndjenin asnjë shqetësim, pa frikë nga pasojat. Se ata mund të ndiheshin disi krenarë, në një zyrë”.

Për të mbrojtur identitetin e gruas, “The Guardian” ka zgjedhur të mos raportojë datën e incidentit të supozuar ose zyrën e saktë ndërkombëtare me të cilën lidhet.

CBI, e cila pretendon se përfaqëson 190 mijë biznese, duke përfshirë Lloyds Bank dhe HSBC, dhe ka ndërveprime të rregullta me qeverinë, është zhytur në trazira nga vëllimi dhe graviteti i akuzave.

Qeveria ka pezulluar angazhimin me grupin ndërsa firma ligjore Fox Williams kryen një hetim për ta.

Grupi i lobit të biznesit lëshoi një deklaratë publike të enjten e 20 prillit dhe i kaloi policisë informacion në lidhje me hetimin e “The Guardian” përpara publikimit.

Burime të njohura me të njëjtën zyrë ndërkombëtare pohojnë se ka pasur një problem më të gjerë me ngacmimin e stafit femëror të ri që ka ushqyer një kulturë toksike dhe proceset e punësimit.

Çështjet e burimeve njerëzore u trajtuan në atë zyrë në mënyrë joformale, shpesh me pak kontakte me selinë e grupit të lobit në Londër, pretendojnë ata.

CBI anulon të gjitha ngjarjet pas akuzave për sjellje të pahijshme seksuale

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.