Gjykatës kundër Korrupsionit dhe Krimit të Organizuar (GJKKO), të enjten e 9 shtatorit, ka vendosur shtyrjen e vendimit final të çështjes së ish-prokurorit Adriatik Llalla, për në datën 22 shtator në orën 14.00.
Provat e reja që avokati mbrojtës, Sokol Hazizaj ka parashtruar paraditen e sotme, nuk janë pranuar nga trupa gjykuese.
Sipas avokatit Hazizaj, ish-prokurori ndodhej në spital nga një sëmundje e rëndë.
Gjithashtu ka paraqitur dhe provën e shërbimeve spitalore në Amerikë, për kurimin e djalit të tij, “që janë paguar nga një shtetas amerikan”
Ish-prokurori Adriatik Llalla ka munguar në seancën gjyqësore në lidhje me vendimin mbi çështjen e tij.
Gjykata e Posaçme e Apelit kundër korrupsionit ka zhvilluar seancën me përfaqësimin e avokatit të tij mbrojtës, Sokol Hazizaj.
Ai, që në fillim të seancës gjyqësore të GJKKO-së, ka parashtruar dokumentet e kërkuara nga trupi gjykues.
Më 30 korrik të vitit 2021, në GJKKO u shty sërish seanca.
Në atë kohë nuk u bë e ditur nëse ai do të shpallej i pafajshëm, apo do të shkonte në burg për të kryer dënimin.
Shkak u bë mungesa e ish-kryeprokurorit dhe avokatit të tij mbrojtës, Sokol Hazizaj.
Ky i fundit e arsyetoi mosparaqitjen e tij me “gjendjen shëndetësore”, ndërsa Llalla nuk dha asnjë arsye.
Më herët, më 16 korrik, po avokati i tij mbrojtës u bë shkak për shtyrjen e seancës, këtë herë “mungoi pa arsye”, për çka u gjobit me një vlerë prej 20 mijë lekësh.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Policia shqiptare, në krah të kolegëve gjermanë në Dortmund
-
Spiropali nga Zvicra: Paqja e drejtë në Ukrainë, kontributi më i madh e premtues
-
Begaj nga Zvicra: Çdo proces paqeje duhet të drejtohet nga Ukraina
-
Begaj thotë se Shqipëria mbështet plotësisht propozimin e Zelenskyt, në Samitin e Paqes për Ukrainën