“Mirë se vini në 100 vjet, 100 libra” të “Lit Century Podcast”. Aty do të gjeni edhe veprat e shkrimtarit shqiptar, Ismail Kadare.
Moderatorët Sandra Newman dhe Catherine Nichols zgjedhin një libër për çdo vit të shekullit të XX-të dhe duke kombinuar analizën letrare, me një vështrim të thelluar në kontekstin historik, para mysafirëve virtualë, realizojnë një “zhytje të thellë” në njëqind vjet letërsi.
(Një podcast – një formë e medias digjitale – përbëhet nga një seri episodesh në format audio, video, radio digjitale, PDF, ose ePub, që i jep mundësinë e abonimit dhe shkarkimit të episodeve të ndryshme nëpërmjet internetit, duke përdorur teknikën “syndication” ose duke transmetuar në internet në një kompjuter ose pajisje të lëvizshme).
Në episodin javor, kritiku K. Austin Collins u është bashkuar moderatorëve Catherine Nichols dhe Isaac Butler për të diskutuar mbi romanin e autorit shqiptar, Ismail Kadare të vitit 1971, “Gjenerali i Ushtrisë së Vdekur”.
Në këtë roman flitet për një gjeneral italian, i cili vjen në Shqipëri 20 vjet pas Luftës së Dytë Botërore, për të gjetur trupat e ushtarëve italianë, të cilët humbën jetën atje dhe për t’i kthyer ata te familjet e tyre.
Ai përfundon në një fshat të vogël, ku kërkoheshin eshtrat e kapitenit të ushtrisë me një reputacion brutal.
Duke punuar si shkrimtar në Shqipërinë Staliniste të Enver Hoxhës, Ismail Kadare u bë një figurë letrare ndërkombëtare dhe një komentues i shquar i totalitarizmit.
Juria, që e nominoi për Çmimin Neustadt, shkroi: “Askush që nga Kafka nuk është futur në mekanizmin ferr të fuqisë totalitare dhe ndikimin e tij në shpirtin e njeriut në po aq thellësi hipnotizuese sa Kadare”.
Pjesë nga episodi i “Lit Century Podcast”:
Catherine Nichols: Ka një artikull mbi veshjet që më duken moderne, por e kam shumë të vështirë të imagjinoj se çfarë veshin këta njerëz? Si dukeshin njerëzit në Shqipërinë e viteve ’60-të?
Nga ajo çka kuptova, është se shkrimtari nuk është se duhet të përshkruajë rrobat dhe flokët, apo gjërat e të gjithëve.
Shumë nga ato që unë mendoj, mbi vitet e ’60-ta, është në fakt thjesht të qenit në një vend të pasur, të gjendesh në një vend që është i befasuar nga shkalla e vet e pasurisë pas Luftës së Dytë Botërore.
Një vend që ka autostrada dhe, për këtë arsye, ju mund të shkoni në udhëtime rrugore.
Një vend që ka shumë punë, kështu që nuk ka rëndësi nëse i rrit flokët në një stil të gjatë dhe të pazakontë. Pothuajse gjithçka që unë mendoj si vitet ’60 në njëfarë mënyre del në përfundimin e mirëqenies.
Fakti që ky libër është një vizion i viteve ’60, është si: “Të 40 -at nuk kanë mbaruar për ne, sepse ne nuk dolëm të pasur”.
Mënyra në të cilën gjenerali italian dhe gjenerali gjerman lejohen të vijnë dhe të gërmojnë vend nga e para, ata pushtojnë përsëri.
Por vendi nuk bëhet me mbresë, ky krim që u bë. Ende po bëhet, sepse ata nuk fituan.
Për ta dëgjuar podcast-in e plotë klikoni këtu.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
