Argjentinasi Juan Foyth do të vazhdojë te Villarreal këtë sezon mes interesimit të fortë nga Barcelona.
Foyth, 24 vjeç, kaloi sezonin e kaluar në huazim te Tottenham, por ka kontratë deri në qershor 2026 dhe tani konsiderohet si një lojtar kyç nga trajneri Unai Emery.
Mbrojtësi i djathtë është zgjedhja e preferuar e trajnerit të Barcelonës, Xavi për të forcuar linjën e tyre mbrojtëse, por Villarreal nuk ka ndërmend të negociojë një marrëveshje pasi Foyth ka një klauzolë lirimi prej 42 milionë euro.
Dhe nënpresidenti i Villarreal, Jose Manuel Llaneza siguroi tifozët se Foyth do të qëndrojë te klubi.
“Nuk kemi pse të frikësohemi për rastin e Foyth-it”, tha Llaneza. “Jam takuar me agjentët e lojtarit dhe ata më kanë thënë kështu. Ai është entuziast për të luajtur te Villarreal dhe do të qëndrojë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
