Fjalimi i Trump të martën, mes pretendimeve të rreme dhe mashtruese

Ish-presidenti Donald Trump shkoi një hap tjetër më afër për t’u  bërë kandidati republikan për president të vitit 2024 të martën.

Të gjithën këtë duke grumbulluar delegatë dhe duke bërë që rivalja e tij e fundit e mbetur, Nikki Haley, të ndërpriste fushatën e saj.

Rezultatet garantojnë vetëm një revansh të nëntorit kundër Presidentit amerikan Joe Biden.

Por në fjalimet e tij 20-minutëshe të fitores, të cilat ofruan një pamje të zymtë të Shteteve të Bashkuara të Amerikës nën pasardhësin e tij, Trump iu drejtua një vargu pretendimesh të rreme dhe mashtruese –disa prej të cilave ishin variacione në pohime të njohura.

“Ne ndërtuam 571 milje mur”. Një pretendim i rremë.

Administrata e Trump-it ndërtoi 458 milje barriera kufitare – shumica e të cilave përforcuan ose zëvendësuan strukturat ekzistuese.

Dhe vendosën barriera të reja primare përgjatë vetëm 47 miljeve ku më parë nuk ekzistonin barriera.

Kufiri jugor me Meksikën shkon më shumë se 1 mijë e 900 milje.

Gjatë fushatës së Trump në vitin 2016, ai premtoi të ndërtonte një mur që përfshinte kufirin dhe që Meksika të paguante për të – gjë që nuk ndodhi.

“Qytetet tona po pushtohen nga krimi i emigrantëve dhe ky është krimi i emigrantëve Biden. Por është një kategori e re krimi dhe është e dhunshme”.

Këtij pretendimi të radhës i mungojnë provat.

Teksa ka pa dyshim shembuj të emigrantëve të paautorizuar në vend që kryejnë krime, të dhënat e disponueshme nuk e mbështesin nocionin se emigrantët po shkaktojnë një rritje të niveleve të krimit.

Të dhënat federale tregojnë gjithashtu se krimi i dhunshëm ra në vitin 2022. Dhe një raport i janarit nga Këshilli jofitimprurës për Drejtësinë Penale zbuloi se qytete të ndryshme panë një rënie në vitin 2023 nga viti më parë në vrasjet dhe krimet e tjera të dhunshme.

“Ne nuk kishim inflacion”. Kjo shtë e ekzagjeruar.

Ndërsa norma e inflacionit ishte me të vërtetë e ulët nën administratën Trump, nuk ishte plotësisht inekzistente, siç tregojnë të dhënat e Byrosë së Statistikave të Punës.

Nën Trump, norma e inflacionit e matur nga indeksi i përgjithshëm i çmimeve të konsumit gravitoi kryesisht rreth 2 për qind – me normën pak më të ulët dhe më të lartë disa muaj.

Kjo ra në fillimin e pandemisë dhe inflacioni arriti në nivelin më të ulët prej 0.1 për qind në maj 2020, përpara se të pritej në rritje.

Inflacioni arriti kulmin prej 9.1 për qind në qershor 2022; Që atëherë ka rënë dhe ka qëndruar në 3.1 për qind në janar.

Ndër nxitësit e inflacionit ishte rritja e shpenzimeve konsumatore ndërsa vendi u rikuperua nga pandemia – me ndihmën e pagesave stimuluese të qeverisë – dhe mungesat e furnizimit.

“Ne morëm shumë më tepër të ardhura pasi ulëm taksat”. Po prapë pretendim i rremë.

Uljet e taksave të korporatave të vitit 2017, të nënshkruara në ligj nga Trump, nuk kanë rritur të ardhurat e qeverisë, pavarësisht disa përpjekjeve për të sugjeruar aq shumë.

Në fakt, kanë pasur efekt të kundërt.

“Për 18 muaj, ne nuk humbëm askënd në Afganistan”. Edhe kjo është mashtruese.

Trump nuk mbikëqyri i vetëm një shtrirje 18-mujore pa viktima në Afganistan. Në vend të kësaj, periudha kohore në fjalë i referohet në mënyrë specifike viktimave luftarake dhe të ndodhura si nën drejtimin e Trump dhe Biden.

Në fillim të shkurtit 2020, nën drejtimin e Trump, u regjistruan dy vdekje luftarake – dhe asnjë nuk u raportua përsëri deri në fund të gushtit 2021, kur një sulm vrau 13 trupa amerikane në mes të tërheqjes së Biden nga Afganistani.

Gjatë presidencës së Trump, ka pasur 45 vdekje luftarake midis anëtarëve të shërbimit amerikan të raportuar në Afganistan, si dhe 18 vdekje “jo armiqësore”, sipas Sistemit të Analizës së Mbrojtjes.

Marrë nga “New York Times”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.