FBI-ja paralajmëron kompanitë për punësimin e hakerave koreano-verior

Zyrtarët amerikanë kanë paralajmëruar bizneset kundër punësimit pa dashje të personelit të IT-së nga Koreja e Veriut.

Ata kanë thënë se përkthyes të pavarur mashtrues po përfitonin nga mundësitë e punës në distancë për të fshehur identitetin e tyre të vërtetë dhe për të fituar para për Phenianin.

Sipas departamenteve të shtetit, thesarit dhe FBI-së, përpjekja kishte për qëllim të anashkalonte sanksionet e Shteteve të Bashkuara të Amerikës dhe të Organizatës së Kombeve të Bashkuara.

Po ashtu kishte për qëllim të dërgonte para për programet e armëve bërthamore dhe raketave balistike të Koresë së Veriut.

Zyrtarët kanë treguar se kompanitë që punësuan dhe paguan punëtorë të tillë mund të ekspozohen ndaj pasojave ligjore për shkeljet e sanksioneve.

“Këta punonjës të IT-së përfitojnë nga kërkesat ekzistuese për aftësi specifike për të marrë kontrata pune të pavarura nga klientët në mbarë botën, duke përfshirë Amerikën e Veriut, Evropën dhe Azinë Lindore”, kanë thënë ata.

Sipas raportit, ata pretendonin se ishin nga Koreja e Jugut, Japonia ose vende të tjera aziatike.

Dhe se ata ishin kryesisht të vendosur në Kinë dhe Rusi, me një numër më të vogël që vepronin jashtë Afrikës dhe Azisë Juglindore. Sakaq, pjesa më e madhe e parave që ata fituan u morën nga qeveria e Koresë së Veriut.

Teksa pjesa më e madhe e kërkimit të fshehtë të punës është për të fituar këmbim valutor ose për të hyrë në shkëmbimet e monedhave virtuale, disa nga punëtorët kanë ndihmuar operacionet e hakerave të Phenianit të mbështetur nga qeveria.

Po ashtu ata “mund të vjedhin informacionin e llogarisë së klientit të bankave amerikane ose ndërkombëtare për të verifikuar identitetin e tyre me platforma të pavarura, ofruesit e pagesave dhe kompanitë që punësojnë punëtorë me kontratë”.

Për zyrtarët amerikanë, punësimi i koreano-veriorëve “paraqet shumë rreziqe, duke filluar nga vjedhja e pronësisë intelektuale, të dhënave dhe fondeve deri te dëmtimi i reputacionit dhe pasojat ligjore”.

Marrë nga “The Guardian”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.