Sevilla u përfshi në luftën për titull mes katër skuadrave në Spanjë javën e kaluar.
Ata ishin vetëm tre pikë prapa kreut dhe një prapa gjigantëve të Real-it dhe Barcelona-s. Me pesë javë nga fundi, u duk se andaluzët mund të surprizonin në Spanjë.
Por, një javë më pas, skuadra e Lopetegui-t u zgjua nga ëndrra e titullit.
Një gol në minutën e 90-të nga Inaki Williams i Athletic Bilbao-s ishte i mjaftueshëm që të shkatërronte gjithçka.
Në ndeshjen e fundit të javës së 34-të, Sevilla priti Athletic Bilbao-n në “Sanchez Pizjuan”.
Pak ditë para ndeshjes vendimtare me Real Madrid-in, Lopetegui doli në fushë me formacionin e tij më të fortë.
18 ishin goditjet nga andaluzët, por zero ishin golat. Tetë ishin goditjet nga Athletic, një ishte i mjaftueshëm për fitoren.
Një goditje e bukur në këndin e djathtë të portës nga Inaki Williams, i dhuroi tre pikë Bilbao-s, duke e larguar tërësisht nga gara për titull Sevilla-n.
Kur kanë mbetur edhe katër javë deri në fund, diferenca prej gjashtë pikësh me kreun duket e pamundur për t’u arritur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit
