Manchester United është ekipi që po transformohet më së shumti në këtë afat kalimtar veror.
Paul Pogba u largua, gjithashtu edhe Cristiano Ronaldo me shumë mundësi do të largohet, andaj “djajtë e kuq” po punojnë për afrimin e futbollistëve të rinj.
I fundit në listën e dëshirave të Manchester-it është Paolo Dybala, i cili aktualisht është futbollist i lirë, pasi nuk vazhdoi kontratën me Juventus-in.
Sipas asaj që raportojnë mediat angleze, drejtuesit e Manchester-it kanë kontaktuar menaxherin e Dybala-s, për të gjetur një marrëveshje që ai të transferohet në Premier Leauge.
Për argjentinasin thuhet se është duke u interesuar edhe skuadra tjetër angleze, Arsenal.
Ndërsa në Itali, Inter-i ishte afër transferimit të tij, por në fund ngecën negociatat pas rikthimit të Romelo Lukaku-t, kurse raportohet që edhe Milan-i u interesua për futbollistin 27 vjeçar.
Për të firmosur me një klub të ri, Dybala kërkon të paktën 7 milionë euro në sezon dhe një kontratë tre-vjeçare.
Kujtojmë që Dybala qëndroi shtatë vjetë me Juventus-in. Ai numëron në total 293 ndeshje me fanellën bardhezi, prej të cilave ka shënuar 115 gola.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
