Çështja e rinovimit të kontratës së Paolo Dybala-s me Juventus-in, ka qenë një nga temat më të përfolura në ditët e fundit në futbollin italian dhe jo vetëm.
Palët nuk po arrijnë të merren vesh për vazhdimin e kontratës, e cila u skadon në qershorin e ardhshëm.
Sipas asaj që raporton gazetari i afërt me klubin e Juventus-it, Romeo Agresti, argjentinasi nuk do të rinovojë kontratën me “zonjën e vjetër”.
#Dybala will NOT sign a new contract with #Juventus ❌⚪️⚫️ @goal
— Romeo Agresti (@romeoagresti) March 21, 2022
Drejtori ekzekutiv i bardhezinjve, Maurizio Arrivabene dhe drejtori sportiv, Federico Cherubini i kanë ofruar kontratë për tre vitet e ardhshme, me pagë 7 milionë euro në sezon, plus bonuse.
Por sipas mediave italiane ky opsion nuk është pranuar nga ana e argjentinasit, i cili pritet të largohet nga Torino.
Nga kjo mosmarrëveshje nga ana e tyre, kërkon që të përfitojë skuadra e Inter-it, të cilët synojnë ta transferojnë Dybala-n me parametra zero.
Sipas “La Gazzetta dello Sport” drejtori sportiv i Inter-it, Beppe Marota, pritet të takohet me agjentin e futbollistit për të tentuar ndonjë marrëveshje që Dybala të vishet zikaltër nga sezoni i ardhshëm.
Kujtojmë që Paolo Dybala është pjesë e skuadrës së Juventus-it që nga vera e vitit 2015, kur u transferua nga Palermo për shumën e 41 milionë eurove.
Ai në total ka zhvilluar 283 ndeshje me fanellën bardhezi, prej të cilave ka shënuar 113 gola.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohen gjysmëfinalet e ‘Final Four”, në rrugën drejt titullit kampion
-
“Abissnet Superiore” për vajza/ Vllaznia mund Apoloninë në finale & shpallet kampione e Shqipërisë për herë të 11-të
-
Final Four ‘pasuron’ katër ekipet pjesëmarrëse me bonuset e majme
-
Fonseca mohon marrëveshjen me Marseille mes lidhjeve me Milan-in