Një mësuese është dhunuar fizikisht këtë të martë të 11 prillit në ambientet e shkollës.
Ngjarja mësohet se ka ndodhur në shkollën 9-vjeçare “Nimete Progonati” në qytetin e Memaliajt.
Mësuesja me iniciale M.H., 43-vjeçe, është dhunuar nga një e afërme e një fëmije në ambientet e shkollës 9-vjeçare.
Deri më tani ka dyshime se ngjarja ka ndodhur për shkak të bullizimit dhe keqtrajtimit që familjarja ka pretenduar se është bërë ndaj fëmijës.
Referuar Policisë së Shtetit, 41-vjeçarja është proceduar penalisht.
Shërbimet e Stacionit të Policisë Memaliaj kanë referuar sakaq materialet në Prokurori dhe ka nisur procedimi në gjendje të lirë për shtetasen S. K., 41 vjeçe, për veprën penale “Goditja për shkak të detyrës”.
“Ditën e sotme, në ambientet e shkollës 9-vjeçare Memaliaj, pas një konflikti të çastit për motive të dobëta, 41-vjeçarja (familjare e një nxënëseje) ka dhunuar fizikisht një mësuese në këtë shkollë”, thuhet në njoftimin e policisë.
Materialet procedurale në ngarkim të shtetases S. K. i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Prokuroria kërkon nga KLGJ verifikimin e figurës së Irena Gjokës
-
Rama mirëpret vendimin e KE-së për planin e rritjes së Ballkanit, e quan shtysë të re për zgjerimin
-
Arrest me burg për Ergys Arrazin, akuza për nxitjen e vetëvrasjes së bashkëshortes dhe 3 fëmijëve
-
Me tensione të herëpashershme, mbyllet protesta e opozitës para Bashkisë Tiranë
Lajmet kryesore
-
Rama mirëpret vendimin e KE-së për planin e rritjes së Ballkanit, e quan shtysë të re për zgjerimin
-
Me tensione të herëpashershme, mbyllet protesta e opozitës para Bashkisë Tiranë
-
Betimi i Putinit – Oligarkë, patriarkë dhe nipër sekretë
-
Stano: Për heqjen ose jo të masave ndëshkuese ndaj Kosovës, do vendoset pasi të përfundojë raporti i Këshillit të BE-së