Dëshmitari i 73-të në Dhomat e Specializuara të Kosovës (DhSK), s’do të ketë masa mbrojtëse teksa dëshmia e tij do të zgjasë dy ditë.
Lajmin e ka bërë të ditur për Albanian Post zëdhënësi i DhSK-së, Christopher Bennett.
“Dëshmitari i së hënës nuk do të ketë masa mbrojtëse, kështu që dëshmia e cila ka gjasa të zgjasë dy ditë, duhet të jetë publike”, ka thënë Bennnett për AP.
Më 20 qershor, Griep ka njoftuar se trupi gjykues ka hedhur poshtë kërkesën e përbashkët të mbrojtjes për apelimin e vendimit për pranimin e disa deklaratave me shkrim të disa dëshmitarëve në çështjen gjyqësore ndaj ish krerëve të Ushtrisë Çlirimtare të Kosovës (UÇK).
Zyra e Prokurorit të Specializuar (ZPS), ka dorëzuar një parashtrim përmes të cilit ka njoftuar panelin e trupit gjykues në rastin e ish-krerëve të Ushtrisë Çlirimtare të Kosovës, që nuk do të mbështetet në dëshminë e 10 dëshmitarëve.
Prej mbi 300 dëshmitarëve në total, deri tani janë dëgjuar 72 prej tyre – shqiptarë, serbë, ekspertë ndërkombëtarë, ish-komandantë të UÇK-së e viktima të pretenduara të luftës – kryesisht në seanca të mbyllura.
Ish-presidenti i Kosovës, ish-kryeparlamentarët kosovarë dhe ish-shefi i deputetëve të Lëvizjes Vetëvendosjes (LVV), akuzohen nga e Zyra e Prokurorit të Specializuar (ZPS) për vrasje të pretenduara, torturë e trajtim mizor në periudhën midis viteve 1998–1999.
Në procesin gjyqësor që nisi më 3 prill 2023, katër ish-drejtuesit e UÇK-së u deklaruan të pafajshëm.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
O’Brien: Moszbatimi i Marrëveshjeve është mundësi e humbur për Kosovën dhe Serbinë
-
Kurti tri kushte, Borrell zbatim të marrëveshjes, Vuçiç-i Asociacionin – Çka ndodhi në Bruksel
-
Qeveria Kurti me rekord të shkeljeve të Kushtetutës që nga paslufta
-
Ndalohet edhe një person për spiunazh nga rajoni i Mitrovicës
Lajmet kryesore
-
Rritja e pagës për Policinë e Burgjeve, aspirantët do të marrin 80% të pagës së gradës “inspektor”
-
Turizmi, ekonomia dhe punësimi – OECD vlerëson progresin e Shqipërisë në rajon
-
Sulmet kimike në 2013: Drejtësia franceze vërteton urdhër-arrestin kundër Bashar al-Assad
-
Qeveria Kurti me rekord të shkeljeve të Kushtetutës që nga paslufta