Ministri i Brendshëm në Republikën e Shqipërisë, Bledi Çuçi, po zhvillon një vizitë zyrtare në Greqi.
Ditën e sotme, ai ka takuar përfaqësuesit e disa shoqatave të komunitetit shqiptar që jeton e punon në Greqi.
“Janë grupime tejet aktive në adresimin e problemeve me të cilat ndeshen shqiptarët. Komunikimi i shpeshtë krijon premisa për të identifikuar çështjet që duhen adresuar për zgjidhje tek autoritetet greke, por edhe te shteti amë, qofshin ato çështje të mbartura nga e kaluara apo të krijuara së fundmi”.
Çuçi theksoi se ka ende probleme, për të cilat ne po bashkërendojmë punën me palën greke për t’i rregulluar.
Një ditë më parë, ai u takua me ministrin e Mbrojtjes së Qytetarit në Greqi, Panagiotis Theodorikakos, ku kanë diskutuar për bashkëpunimin policor mes dy vendeve, për luftën e përbashkët kundër krimit të organizuar dhe terrorizmit.
“Kemi kaluar nga faza e shkëmbimit të informacionit në atë të hetimeve dhe operacioneve të përbashkëta, çka dëshmon për nivelin e lartë të besimit mes policisë së të dy vendeve”.
Gjithashtu Çuçi është takuar me ministrin e Brendshëm, Makis Voridis.
“Diskutuam për sfidat e përbashkëta të qeverisjes vendore në dy vendet tona dhe thellimin e bashkëpunimit për të përfituar prej programeve të Bashkimit Evropian në fusha të ndryshme”.
Ai theksoi se si vend i BE-së, Greqia ka një përvojë të çmueshme në këtë drejtim. Ministritë e Brendshme të të dy vendeve do të lehtësojnë në maksimum procesin dhe do të ofrojnë të gjithë asistencën e nevojshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pas Prizrenit, më 2 maj edhe Tirana e dekoron Ali Ahmetin me titullin “Qytetar Nderi”
-
Meloni mbron publikisht Ramën dhe shqiptarët: U linçuan nga Rai vetëm sepse donin të ndihmonin Italinë
-
Tritoli në banesën e gjyqtarit, KLGJ: Kërcënim serioz për gjithë shoqërinë
-
Shqipëria kampionia e verës për gjermanët
Lajmet kryesore
-
Meloni mbron publikisht Ramën dhe shqiptarët: U linçuan nga Rai vetëm sepse donin të ndihmonin Italinë
-
A mund ta përballojë BE-ja zgjerimin me Ukrainën dhe Ballkanin?
-
Sa herë që jemi pranë marrëveshjes, ka sabotazh nga të dyja palët: Izraeli dhe Hamasi janë fajtorë, thotë Katari
-
Përkrahja e Kurtit s’i ndihmoi VLEN-it t’i fitojë zgjedhjet, Kasami për AP: Bashkëpunimi do të vazhdojë