Cristiano Ronaldo: Po luajmë si m*ta

Juventus së fundmi ka publikuar dokumentarin e sezonit të kaluar, ku klubi kaloi një nga periudhat më të dobëta në dekadën e fundit.

Zonja e vjetër u eliminua nga Champions League menjëherë pas fazës së grupeve, doli në vendin e katërt në Serie A dhe arriti të triumfojë në Kupën e Italisë.

Në Champions League, Juventus-i u eliminua përsëri nga një skuadër që pritej ta kalonte lehtë – Porto.

Skuadra atë kohë e drejtuar nga Pirlo, e humbi ndeshjen e parë 1-0, kurse u eliminua pas kohës shtesë përkundër fitores 3-2.

Për shkak të rregullit të golit si mysafirë, Porto u kualifikua tutje sepse shënoi dy gola në Itali, në krahasim me asnjë të Juventus-it në Portugali.

Një pjesë nga dokumentari, shfaq një debat mes yllit të skuadrës, Cristiano Ronaldo dhe Cuadrado-s në dhomat e zhveshjes.

L'échange tendu entre Cuadrado et CR7 à la mi-temps de Juventus Porto :

Cristiano Ronaldo : "On joue comme des merdes encore !"

Cuadrado : "Calme, tu dois être un exemple pour tout le monde"

CR7 : "On ne joue rien, il faut dire la vérité !" pic.twitter.com/otrFpHTyzm

— Gio CR7 (@ArobaseGiovanny) November 25, 2021

“Po luajmë si m*ta përsëri”, u shpreh Cristiano Ronaldo.

Kurse, Cuadrado ia ktheu duke i thënë “Qetë, ti duhet të jesh një shembull për të gjithë”.

“Edhe unë, edhe unë”, vazhdoi Cristiano, “edhe unë po luaj si m*t”.

“Nuk bëjmë asgjë, duhet ta pranojmë të vërtetën, është ndeshje Champions-i dhe ne nuk bëjmë asgjë”.

Futbollistët tjerë të skuadrës shihen të mërzitur, deri sa asnjë përveç Cristiano Ronaldo-s dhe Juan Cuadrado-s nuk flasin.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.