Antonio Conte e ka konfirmuar që ai do të vazhdojë si trajner i Tottenham-it edhe pse kishte zëra që ai mund të dorëhiqej nga pozita e tij pas humbjes përballë Burnley-t.
Mirëpo, kjo nuk do të ndodhë, dhe këtë e ka konfirmuar vet trajneri italian.
“Mendoj që momentalisht, zgjidhja më e mirë është që të vazhdojmë të punojmë shumë”, e nisi Conte.
“Besoj që puna është e vetmja mënyrë që të gëzojmë tifozët e klubit dhe vet klubin”.
Conte deri tani ka pasur disa rezultate të dobëta te Tottenham, por edhe ka arritur fitore të mëdha, përfshirë atë të javës së kaluar, kur e mposhti Manchester City-n me rezultat 2-3 brenda në “Etihad”.
“Është e rëndësishmë të jemi të fokusuar”, u shpreh Conte.
“Kemi nevojë për kohë, kemi nevojë për durim. Klubi është i pari që e di cila është situata dhe vet më treguan që e kuptojnë realitetin”.
Conte, përkundër disa rezultateve negative, është i lumtur me klubin dhe beson që kanë bërë ndryshim për të mirë.
“Unë jam perfeksionist, dhe e di që puna që po e bëj këtu do t’i ndihmojë klubit shumë”.
“Mirëpo”, shtoi Conte, “jam person që dëshiron të arrij rezultate shpejt, andaj mërzitem dhe nuk ri si dihet kur humbas”.
Conte e mbylli duke thënë që ky mentalitet e ka bërë atë që është sot, dhe se asnjëherë nuk do të ndryshojë pa marrë parasysh rrethanat.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit