Conor McGregor vendos bast 60 mijë dollarë për yllin e Euro 2024

Conor McGregor ka zbuluar se ka vënë një bast prej 60 mijë dollarësh në Euro 2024 përpara se turneu të fillonte të premten e kaluar.

McGregor është i njohur për dashurinë e tij për futbollin dhe është një tifoz i përjetshëm i Manchester United.

Ai madje bleu fanellën gri të United-it nga viti 1996 kur ishte tetë vjeç, dhe 25 vjet më vonë, ai postoi në mediat sociale se dëshironte të blinte klubin.

Ylli i MMA pretendon se ai ka një pasuri neto prej rreth 200 milionë dollarësh, të akumuluar gjatë viteve të luftimeve të UFC-së, interesave të biznesit dhe reklamave.

Ai ka përdorur 60 mijë dollarë nga kjo vlerë neto për të vendosur një bast në Euro 2024, por tifozët nuk janë të sigurt për këtë.

McGregor shkoi në Instagram për të njoftuar se ai vendosi bast me para të mëdha për Cristiano Ronaldo-n për të fituar çmimin “Këpuca e Artë” në Kampionatin e tij të gjashtë evropian.

Tani në moshën 39-vjeçare, Ronaldo ka të ngjarë të luajë në Euro-n e tij të fundit në Gjermani.

Irlandezi luajti bast me koeficent 14/1 që Ronaldo të përfundojë si golashënuesi më i mirë i turneut, që do të thotë se ai do të fitojë 900 mijë dollarë nëse kjo ndodh.

Ronaldo u rreshtua për Portugalinë në ndeshjen hapëse të fazës së grupeve të Euro 2024 kundër Çekisë, duke u bërë lojtari i parë në historinë e kompeticionit që luan në gjashtë kampionate evropiane radhazi.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.