Cilat janë pesë simptomat e “Omicron” që nuk duhet t’i injoroni?

Varianti i ri i koronavirusit, Omicron është caktuar si një variant shqetësues nga Organizata Botërore e Shëndetësisë (OBSH). Aspekti më i rrezikshëm i një infeksioni viral është ashpërsia e tij.

Organizata të ndryshme kanë vënë në dukje transmetueshmërinë e variantit të ri. Ndërsa një virus mund të jetë shumë i transmetueshëm, virulenca e tij është ajo që përcakton shkallën e vdekshmërisë midis njerëzve.

Ndërkaq, ekspertët kanë bërë të ditur se simptomat janë të ndryshme nga ato që shihen në variantet e tjera që kanë qarkulluar deri më tani.

Gjatë gjithë pandemisë njerëzit janë këshilluar të kujdesen për kollën e re të vazhdueshme, temperaturën e lartë dhe humbjen e shijes dhe nuhatjes.

Por, tani mjekët kanë paralajmëruar se varianti “Omicron” ka pesë simptoma të dallueshme, për të cilat duhet të keni kujdes.

Dr. Amir Khan tha se simptomat e këtij varianti, që po dalin nga Afrika e Jugut, tregojnë se ka pesë simptoma të reja.

“Fyti i gërvishtur, dhimbje të lehta muskujsh, lodhje ekstreme, një kollë e thatë dhe djersitje gjatë natës”, tregoi mjeku.

Pesë simptomat që duhet të keni kujdes, sipas tij, janë lodhja, djersitja gjatë natës, gërvishjet e fytit, kolla e thatë dhe dhimbjet e lehta të muskujve.

Mjekët kanë thënë gjithashtu se pacientët e variantit “Omicron” nuk duket se vuajnë nga dhimbje të fytit, siç shfaqet ndonjëherë me Delta, por nga gërvishtjet e fytit.

Për krahasim, këto janë simptomat më të zakonshme të COVID-19 sipas Qendrës për Kontrollin dhe Parandalimin e Sëmundjeve (CDC): ethe ose të dridhura, kollë, gulçim ose vështirësi në frymëmarrje, lodhja, dhimbje muskujsh ose trupi, dhimbje koke, humbje e re e shijes ose erës, dhimbje të fytit, mbyllje ose rrjedhje e hundës dhe diarre.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.