Britania njoftoi sanksione të reja ruse: Kufizime të eksportit dhe zyrtarë të Rosatom

Britania njoftoi një paketë të re sanksionesh kundër Rusisë, e cila duhet të mbyllë mundësitë për eksportimin e gjithçkaje që Kremlini përdor për luftë, si dhe kundër individëve të rinj – përfshirë zyrtarët e Rosatom dhe dy kompani të tjera të industrisë ushtarake ruse.

Kështu ka bërë të ditur qeveria britanike.

Qëllimi i sanksioneve të eksportit është bllokimi i importit në Rusi i “gjithçkaje që, siç ka vendosur Ukraina, Rusia përdori në fushën e betejës”.

“Në mesin e qindra nomenklature të produkteve janë pjesë rezervë të avionëve, pajisje radio, komponentë elektronikë që mund të përdoren nga industria ushtarake ruse, veçanërisht për prodhimin e dronëve. Burimet e inteligjencës tregojnë se mungesa e komponentëve për shkak të sanksioneve tashmë po ndikon në aftësinë e Federatës Ruse për të prodhuar armë për eksport, në veçanti automjete të blinduara, helikopterë sulmues dhe mbrojtje ajrore”, thuhet në komunikatë.

U sanksionuan edhe zyrtarët më të lartë të Rosatom, dy kompani të mëdha të industrisë së mbrojtjes, katër banka ruse dhe elitat ruse.

Në veçanti, këta janë 34 persona të lidhur me Korporatën Rostec, si dhe me Korporatën Almaz-Antey, e cila është e specializuar në pajisjet e mbrojtjes tokë-ajër dhe armët për përdorim nga avionët; 6 ndërmarrje të përfshira në riparimin e pajisjeve ushtarake.

Sanksione të reja personale janë vendosur kundër Mathias Varning, drejtor ekzekutiv i Nord Stream 2, dikur anëtar i bordit të Transneft dhe Rosneft, i cili quhet mik i ngushtë i Putinit; Nëna e Alina Kabaeva, Lyubov Kabaeva; ish-shefi i truprojës së Putinit, Alexei Dyumin, për rolin e tij në aneksimin e Krimesë dhe organizimin e stërvitjeve të zbulimit ajror për forcat e Federatës Ruse; Andrei Kozak – djali i ish-zëvendës kryeministrit, një bashkëpunëtor i ngushtë i Putinit, Dmitry Kozak; 20 zyrtarë të “Gazprom” dhe “Aeroflot” – përfshirë kreun e “Gazprom” Viktor Zubkov – dhe dy ministra aktualë rusë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.