Ambasadori i Britanisë së Madhe në Kosovë, Nicholas Abbott, bashkë me Ministren e Ministrisë së Arsimit, Shkencës, Teknologjisë dhe Inovacionit, Arbërie Nagavci, kanë nënshkruar një marrëveshje, qëllimi i së cilës është fuqizimi i prokurimit publik.
Kështu ka njoftuar Ambasada e Britanisë së Madhe në Kosovë, përmes një postimi në Facebook.
“Në epokën e digjitalizimit, prokurimi i mirë-planifikuar, efikas, transparent dhe i drejtë është jetik për cilësinë dhe përvojën e arsimit, si për nxënësit ashtu edhe për mësuesit”, thuhet në njoftimin e ambasadës.
Ky memorandum mirëkuptimi ka për qëllim “të përcaktojë parimet e përgjithshme të bashkëpunimit në fushën e prokurimit publik dhe do të realizohet përmes mbështetjes programore në kuadër të projektit ‘Fuqizimi i Prokurimit Publik në Kosovë’, i financuar nga Ambasada Britanike, zbatuar nga DAI Global UK”, njofton MASHT.
“Abbott është shprehur i kënaqur që Qeveria e Britanisë po e mbështet këtë projekt, i cili synon fuqizimin e prokurimit publik, përmes ofrimit të ekspertizës sipas nevojave specifike të MASHTI-t”, vijon njoftimi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel