Jemi mësuar ta shohim në pozicione tejet zyrtare dhe duke drejtuar poste të rëndësishme shtetërore. Ajo është gruaja më e votuar në Kosovë dhe një politikane që gëzon popullaritet të madh.
Rrallë herë e kemi dëgjuar të flasë për jetën personale dhe atë se çfarë është jashtë petkut zyrtar Vjosa Osmani, ushtruesja e detyrës së presidentes,
Në një intervistë dhënë së fundmi për emisionin Prive në Klan Kosova, ajo është përgjigjur në 50-të pyetje interesante që e ngacmuan edhe sferën personale të politikanes.
Osmani është nënë e dy vajzave binjake, të cilat i kemi parë në rrjetet e saja sociale. Duke u anashkaluar pak nga pozita e presidentes, ajo foli për shtatzëninë dhe frikën që e shoqëronte derisa po bëhej nënë.
“Kisha frikë çdo ditë, për shkak se shtatzënia me binjakë është me sfida shtesë”, ka deklaruar Vjosa.
E pyetur se çfarë i mungon nga e kaluara e saj parapolitike ajo u shpreh troç se i mungon dalja me shoqet e saj.
E njohur për stilin e veshjes me të zeza, Osmani në pyetjen se pse vishet pothuajse në ngjyra të errëta ajo ka një përgjigje interesante.
“Ndoshta vishem zi, por jetën e kam përplot me ngjyra”.
Në mes të tjerash ajo u pyet edhe për artistin më të mirë shqiptar sipas saj dhe përgjigja nuk ka befason shumë, ngase e kemi parë edhe më herët të tregojë afeksion ndaj një figure të shquar të muzikës shqiptare.
“Nuk e kam të lehtë ta zgjedh, mirëpo besoj që është një mbretëreshë e muzikës për të cilën të gjithë pajtohemi, e ajo është Nexhmije Pagarusha”.
Tutje ajo ka shprehur se ka nga ndërkombëtarët ka pranuar këshilla por asnjëherë direktiva , si dhe kompromisi politik që ajo kurrë nuk do ta bënte është ai me dinjitetin njerëzor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gratë mund të jetojnë më gjatë, por burrat kanë një jetë më cilësore
-
Dasma e vitit në Portofino, do të martohet miliarderi indian Anant Ambani
-
Ekspertët të shqetësuar për variantin e ri KP.2 të COVID në SHBA
-
Divorci i Britney Spears dhe Sam Asghari u finalizua ndërsa gjyqtari nënshkruan marrëveshjen e zgjidhjes