Një pallat rezidencial është goditur nga bombardimet ruse, duke e lënë atë tërësisht të shkatërruar dhe duke shkaktuar një numër viktimash, i cili ende nuk është konfirmuar nga autoritetet lokale ukrainase.
Media e parë e cila e transmetoi lajmin dhe pamje nga vendi i ngjarjes, është BNO News, një agjenci lajmesh.
BREAKING: Apartment complex near Ukraine's Kharkiv hit by airstrike, causing an unknown number of casualties – reporter pic.twitter.com/PdQxuprwWv
— BNO News (@BNONews) February 24, 2022
Një shtetase australiane, e cila jeton në Kiev, nga ana tjetër, ka dëshmuar për median amerikane ABC, se një pjesë e një krahu avioni është rrëzuar shumë pranë shtëpisë së saj. Situata është e përshkallëzuar së tepërmi pas vendimit të Vladimir Putin, për të nisur sulmin ndaj Ukrainës, në orët e vona të natës.
Ukraina ndërkohë, po bën të pamundurën të mbrohet, ku akti më i suksesshëm deri tani, është ai i rrëzimit të një avioni bombardues rus.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com