Bashkëshorti i kryetares së Dhomës së Përfaqësuesve të SHBA-ve, Nancy Pelosi, u shpall fajtor të martën e 23 gushtit nga gjykata amerikane.
Kjo, për akuzat për vozitje nën ndikimin e alkoolit në lidhje me një aksident në muajin maj në Kaliforni.
Paul Pelosi u dënua me pesë ditë burg dhe tre vjet liri me kusht.
Ai ka shërbyer deri më tani dy ditë në burg, i është ulur dënimi me dy ditë për sjellje të mirë dhe duhet të punojë tetë orë në programin e punës në vend të ditës së mbetur.
Lajmi u bë i ditur nga agjencitë perëndimore, duke cituar vendimin e gjykatës.
Pelosi nuk mori pjesë në seancën për vendimin e tij.
Ligji i shtetit lejon që të pandehurit për kundërvajtje të vozitjes të paraqiten përmes avokatit të tyre, përveç nëse urdhërohet ndryshe nga gjykata.
Pelosi-t do t’i kërkohet gjithashtu të marrë pjesë në një klasë tre-mujore kundër alkoolit në vozitje dhe të instalojë një pajisje.
Përmes saj, shoferi duhet të sigurojë një mostër frymëmarrjeje përpara se të ndezë motorin.
Ai gjithashtu do të duhet të paguajë gati 7 mijë dollarë gjobë, tha gjykatësi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Veliaj pretendon sërish se ‘takimin me SPAK e ka kërkuar vetë’
-
Ngjarja tragjike në Shkodër, gjendet trupi i fëmijës së dytë
-
Universiteti Columbia në New York anulon ceremoninë kryesore të diplomimit, për shkak të protestave në Gaza
-
Kurti, ambasadorëve të QUINT-it: Normalizimi i marrëdhënieve me Serbinë s’duhet të përzihet me anëtarësimin e Kosovës në KiE
