Avokatja e Krasniqit e pyet dëshmitarin për personat e maskuar, ai thotë se “përkthimi nuk është i saktë”
Mbrojtja e ish-kreut të Ushtrisë Çlirimtare të Kosovës, Jakup Krasniqit, avokatja Venkateswari Alagendra, ka nisur të marr në pyetje dëshmitarin e pestë me kodin ‘3165’, i cili është duke vazhduar të dëshmojë për vrasjen e personit ‘1’.
Pyetjet e Alagendra janë zhvilluar lidhur me një dokument (jo publik), të cilin dëshmitari e pohoi se është ankesë e bërë nga ai por që nuk e di datën e saktë të saj.
Teksa pyetur se çfarë ka thënë a është e saktë në këtë ankesë se, “numri 1 është marrë nga UÇK-ja nga shtëpia e tij”, dëshmitari deklaroi se ‘‘jo nuk është e vërtetë se në shtëpi, ndoshta një gabim te përkthimi’’.
Si në pyetjet e avokatit Rexhep Selimi edhe në pyetjet e avokatës Alegendra është pyetur për personat e maskuar.
Ai tha se, “të maskuarit nuk i kam parë pa maska”, kurse personat “14 dhe 15 i kam parë pas vrasjes”, por që sqaroi se ata nuk kanë qenë të dyshuarit por kanë dëgjuar krismat dhe kanë dal.
Teksa i pyetur se në këtë dokument kishte thënë se, ‘‘pas incidentit kam parë dy të dyshuar pa maska’’, ai tha se ‘‘përkthimi nuk është i saktë’’.
Në pyetjet e tjera kur ai u pyet se a i kanë parë personat e tjerë pa maska, përmbajtja ka qenë e redaktuar.
Po ashtu kur iu tha se, ‘‘dy personat qe dyshoje se ishin të përfshirë në vrasjen e numrit 1 ishin numri 12 dhe 13 dhe dyshimin e kishe sepse nuk kishin uniforma atë ditë kështu’’, Dhomat e Specializuara të Kosovës (DhSK) vendosi që të ketë përmbajtje të redaktuar përgjigja e tij.
Gjithashtu për personin 14 ai shtoi se, “i ka dëgjuar krismat dhe ai ka dal në rrugë prej malit kur i ka dëgju, dhe i ka pa të vrarë’’, por nuk e kishte ditur se kush”.
Në vazhdim, dëshmitari lexoi një paragraf në atë dokument për të cilin tha se ‘‘nuk e kam thanë unë këtë’’.
Në pjesë tjetër e dëshmisë ka qenë me përmbajtje të redaktuar.
Dëshmitari i pestë me kodin ‘3165’ është duke vazhduar dëshminë e tij në seancën e së hënës në rastin e ish krerëve të Ushtrisë Çlirimtare të Kosovës.
Dëshmitari i pestë: Në shtator të 98-ës s’ka pasur dëmtime shumë të mëdhaja
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dëshmitari i 57-të në Speciale dëshmon në seancë të mbyllur, gjykatësi kërkon që pyetjet të bëhen të thjeshta
-
Përfundon dëshmia e Ramiz Qeriqit në Speciale, javën e ardhshme një tjetër dëshmitar
-
Qeriqi në Speciale mohon akuzat se e kishte parë Thaçin të jepte urdhra ndaj anëtarëve të UÇK-së
-
Tre orë debate te Komisioni i Shëndetësisë, mazhoranca refuzon kalimin e kërkesave për informacion
Lajmet kryesore
-
Meloni mbron publikisht Ramën dhe shqiptarët: U linçuan nga Rai vetëm sepse donin të ndihmonin Italinë
-
Tritol banesës së gjyqtarit, reagon ministri i Drejtësisë
-
Macron dëshiron të hapë debatin mbi parandalimin bërthamor evropian
-
Pas Prizrenit, më 2 maj edhe Tirana e dekoron Ali Ahmetin me titullin “Qytetar Nderi”