Avokati i Popullit, të premten, e ka dërguar në Gjykatën Kushtetuese Ligjin për Paga.
Dërgimi i Ligjit për Paga në Kushtetuese ka ardhur si rrjedhojë e ankesave të palëve që i ishin drejtuar Avokatit të Popullit me kërkesën që Ligji të dërgohej në Kushtetuese.
Ankesa tek Institucioni i Avokatit të Popullit kishin deponuar Këshilli Prokurorial i Kosovës, auditorë të brendshëm, zyrtarë komunalë të arsimit të Komunës së Prizrenit, Shoqata sindikale e shërbimit sprovues të Kosovës, Instituti Kosovar i Drejtësisë, infermierët, mjekë që punojnë në Ministrinë e Shëndetësisë, laborantë të lartë mjekësorë, Oda e Fizioterapeutëve të Kosovës, Sindikata e Policisë së Kosovës.
“Si dhe Komisioni Qendror Zgjedhor, Qendra për pajisje të dokumenteve, Shoqata e Instrumentarëve të Kosovës, Komisioni i Pavarur i Mediave, Zyra e Rregullatorit të Energjisë, Ekspertë në Prokurorinë Speciale të Republikës së Kosovës, Autoriteti Rregullator për Shërbimet e Ujit, Këshilli Gjyqësor i Kosovës e institucionet e grupe të tjera”.
Sipas këtij institucioni ankesat e pranura nga institucione të ndryshme kanë arritur në mbi 100.
Ndryshe me Ligjin për paga vlera e koeficientit të pagës në sektorin publik është caktuar të jetë 105 euro.
Ky Ligj kishte hyrë në fuqi nga data 5 shkurt e këtij viti.
Ligjet e hartuara nga Qeveria e Kosovës, janë kontestuar edhe nga partitë opozitare.
Partia Demokratike dhe Lidhja Demokratike e Kosovës kanë dërguar në Kushtetuese, Ligjin për Këshillin Prokurorial, atë për Zyrtarët Publikë, Ligjin për Byronë e Konfiskimit të Pasurisë së Pajustifikueshme dhe Ligjin për Masat e Përkohshme Mbrojtëse për Furnizim me Produkte Themelore për Qytetarët.
Ndërsa deri më tani Gjykata Kushtetuese ka marrë vendim vetëm për Ligjin për Këshillin Prokurorial të cilin e ka cilësuar si anti-kushtetues.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gratë mund të jetojnë më gjatë, por burrat kanë një jetë më cilësore
-
Izraeli nuk do të dorëzohet ndaj kërkesës së Hamasit për t’i dhënë fund luftës, thotë Netanyahu
-
Serwer e cilëson “marrëzi” kërkesën e ndërkombëtarëve që Kurti të kryejë “vetëvrasje politike” për Asociacionin
-
Arrestohen tre persona në Fushë Kosovë, iu konfiskohet kokainë
Lajmet kryesore
-
Rusia po komploton sabotim në të gjithë Evropën, paralajmërojnë agjencitë e inteligjencës
-
Për britaniken Express, Dhërmiu është destinacioni më i bukur evropian për pushimet 2024
-
BE në rrezik të ‘shpërthimit’, pasi e djathta ekstreme kërkon ‘kokat e turkut’
-
Serwer e cilëson “marrëzi” kërkesën e ndërkombëtarëve që Kurti të kryejë “vetëvrasje politike” për Asociacionin