Ministria e Brendshme e Shqipërisë është renditur si më korrektja për sa u përket veprimeve me Thesarin e Shtetit, gjatë vitit 2020, ndërsa Ministria për Evropën dhe Punët e Jashtme (MEPJ) renditet në nivelin më të dobët.
Sipas raportit mbi “Funksionimin e Sistemit të Kontrollit të Brendshëm Financiar Publik në Njësitë e Qeverisjes së Përgjithshme për vitin 2020”, të publikuar nga Drejtoria e Përgjithshme e Harmonizimit të Kontrollit të Brendshëm Financiar Publik pranë Ministrisë së Financave dhe Ekonomisë, Auditi i Brendshëm ka bërë këtë vlerësim.
Nga 72 pikë gjithsej, Ministria e Brendshme u vlerësua me 63 pikë, e dyta është renditur Ministria e Financave dhe Ekonomisë me dy pikë më pak se e para. Më poshtë vijon Ministria e Infrastrukturës dhe Energjisë, ajo e Mbrojtjes, e Arsimit Sportit dhe Rinisë etj.
Dy ministritë që kanë marrë më pak pikë nga vlerësimi i auditit të brendshëm janë Ministria e Drejtësisë dhe ajo për Evropën dhe Punët e Jashtme.
Analiza u mbështet në konsolidimin e të dhënave të raporteve vjetore të veprimtarisë së 126 njësive të auditimit të brendshëm që funksionojnë në sektorin publik.
Treguesit e raportuar japin informacion mbi strukturat audituese dhe kapacitetet e tyre, realizimin e planit të angazhimeve, vlerësimin e risqeve, sistemet dhe fushat ku gjetjet e auditimit kanë treguar të ketë dobësi materiale, rekomandimet e dhëna nga auditimi lidhur me to dhe niveli i zbatimit të rekomandimeve të auditimit, po ashtu dhe kufizimet me të cilat janë përballur audituesit dhe prioritetet për të ardhmen.
Sa i përket performancës së Bashkive, gjatë vitit 2020, Bashkia Shkodër, Korçë dhe ajo e Tiranës, u renditën të parat me numër të barabartë pikësh, nga 72 të mundshmet ato morën 47 pikë.
Ndërsa të fundit renditen Bashkia Elbasan me 38 pikë dhe ajo e Vlorës me 37 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
Prokuroria zbardh hetimet për vetëvrasjen e nënës me 3 fëmijët: Ka dyshime të forta se drejt aktit i ka çuar dhuna e bashkëshortit
-
Ngjarja tragjike në Shkodër, gjendet trupi i fëmijës së dytë
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin