Arrestohet spiuni rus brenda inteligjencës ukrainase

Shërbimi i Sigurisë së Ukrainës arrestoi një punonjës të selisë së koordinimit të Drejtorisë së SBU-së në rajonin e Kharkiv-it, i cili punonte për shërbimet speciale ruse.

Lajmi u bë i ditur nga agjencitë vendase, duke cituar zëdhënësin i SBU-së Artem Dekhtyarenko.

Sipas hetimit, në fillim të marsit të vitit 2022, spiuni u rekrutua nga punonjës të FSB-së ruse.

Ai fitoi një vend pune në Shtabin Anti-Terrorist të Shërbimit të Sigurisë të Ukrainës në rajonin e Kharkiv-it.

Duke pasur akses në informacion, ai i dha autoriteteve ruse detajet e kontaktit të punonjësve të SBU-së, rrugët e ardhshme të Forcave të Armatosura, vendndodhjet e pikave të kontrollit dhe pajisjeve ushtarake, si dhe të dhënat që ai futi çdo ditë në sistemin e mbyllur të informacionit.

Në këtë mënyrë, i dyshuari ka ndihmuar përfaqësuesit e shërbimeve speciale të Federatës Ruse në kryerjen e aktiviteteve subversive kundër Ukrainës në kushtet e gjendjes ushtarake.

Sipas SBU-së, në këmbim të bashkëpunimit, armiku i dha “spiunit” garanci sigurie për të dhe familjen e tij nëse Federata Ruse arrinte të kapte Kharkiv-in.

Aktualisht, agjenti është njoftuar për dyshimin për tradhti të kryer sipas gjendjes ushtarake.

Për të tashmë gjykata ka zgjedhur masën e paraburgimit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.