Antonio Conte i ka kërkuar drejtorit sportiv të Tottenham-it, Fabio Paratici, që të sjellë mesfushorin amerikan të Juventus-it, Weston McKennie-n, në Londër.
Ish-drejtori sportiv i Juventus-it, Paratici, iu bashkua londinezëve këtë verë, pas një dekade në “Allianz Stadium”.
Ai e njeh mirë McKennie-n dhe ka marrëdhënie shumë të mira me Conte-n, me të cilin kishin punuar bashk edhe më parë, pikërisht te Juventus.
Conte e ka futur Tottenham-in në një formë shumë të mirë në Premier League, duke i kthyer ata si pretendent kryesorë në luftën për një vend në Champions League.
Pas afro dy muajve në klub, italiani ka filluar të bëj atë që e bën kudo që shkon – të kërkojë vet lojtarët për të transferuar.
Dhe, i pari në listën e tij është pikërisht McKennie.
Amerikani çuditërisht ka humbur vendin e titullarit nën drejtimin e Massimiliano Allegri-t, edhe pse vitin që shkoi ishte një ndër futbollistët më të mirë të zonjës së vjetër.
Antonio Conte i ka premtuar atij një vend titullari në “London Stadium”, dhe madje e kërkon qysh në janar.
Operacioni duket i vështirë, por jo i pamundur.
Nëse McKennie do, atëherë gjithçka do të bëhet më e lehtë – dhe në këtë moment, amerikani është ende i pavendosur.
Kur kanë mbetur edhe tetë ditë deri në hapjen e merkatos dimërore, atëherë kjo çështje pritet të zgjidhet shumë shpejtë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit