Ambasada e SHBA-ve në Serbi: Radosavljeviç duhet të përballet me drejtësinë, jo të marrë nderime
Lajmi i nderimit me një pllakatë të artë nga Xhandarmëria serbe për Goran Radosavljeviç nuk është përtypur nga misioni amerikan në Serbi. Ambasada e Shteteve të Bashkuara të Amerikës ka reaguar në Twitter duke theksuar se Radosavljeviç duhet të përballet me drejtësinë, jo të marrë nderime.
“Ky – referuar Goran Radosavljeviç – ishte gjithashtu njeriu i ngarkuar me kampin ku u gjetën eshtrat e vrara të tre amerikanëve në 1999, Ylli, Agron dhe Mehmet Bytyqi”.
This was also the man in charge of the camp where the murdered remains of three Americans were found in 1999: Ylli, Agron, and Mehmet Bytyqi.
Radosavljevic was sanctioned by the U.S. for his credible involvement in their murders. He should face justice, not receive honors. https://t.co/lPaS0wjWLy
— Američka ambasada (@USEmbassySerbia) July 3, 2021
Radosavljeviç u sanksionua nga SHBA-të për përfshirjen e tij të besueshme në vrasjet e tyre.
Njësia e forcave speciale serbe, ‘Xhandarmëria’ e nderoi ish-komandantin, Goran Radosavljeviç, më herët. Ai akuzohet për përfshirjen në vrasjen e tre shqiptarëve, shtetas amerikanë.
Ndërtimi i situatës
Këta të fundit kishin ardhur në Kosovë për të luftuar së bashku me Ushtrinë Çlirimtare të Kosovës.
Komandanti aktual i xhandarmërisë, Dejan Lukoviç, vlerësoi punën e Radosavljeviç. Ai i dorëzoi një pllakë nderi më 30 qershor gjatë një ceremonie që shënonte “Ditën e Xhandarmërisë Serbe” në qytetin verior të Novi Sad-it.
Të tre shqiptarët, vëllezërit Ylli, Agron dhe Mehmet Bytyqi – ishin në të 20-at e tyre kur udhëtuan nga Shtetet e Bashkuara në Kosovë në vitin 1999 për t’u bashkuar me UCK-në në luftën kundër ushtrisë serbe.
Vëllezërit e lindur në Çikago u arrestuan në Serbi në qershor 1999, dy javë pasi përfunduan luftimet.
Ata u qëlluan më vonë për vdekje ndërsa po ruheshin nga një njësi speciale policore serbe, nën komandën e Radosavljeviç.
Eshtrat e tyre u zbuluan në një varr masiv në fshatin Petrovo Selo në Serbinë lindore në korrik të 2001.
Askush nuk është dënuar në lidhje me vrasjet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
ASK-ja: Komuniteti serb në jug po regjistrohet – për hezitimin e qytetarëve në Veri kemi zhvilluar takim me institucione ndërkombëtare
-
Tritoli në banesën e gjyqtarit, Unioni i Gjyqtarëve: Akt kriminal, kërcënim ndaj të gjithë magjistratëve
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku
-
Jinping do të vizitojë Francën, Serbinë dhe Hungarinë nga 5-10 maj
Lajmet kryesore
-
Tritoli në banesën e gjyqtarit, Unioni i Gjyqtarëve: Akt kriminal, kërcënim ndaj të gjithë magjistratëve
-
Karabina: PD është e vendosur në mbështetjen e pakushtëzuar ndaj SPAK-ut, nëpërmjet amendamenteve të saj
-
Duke treguar përgjegjësi të guximshme për Evropën tonë
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku