Bahreini ka vendosur Khalid Al Jalahma si kreun e misionit diplomatik në Izrael. Lajmin e ka bërë të ditur agjencia e lajmeve BNA, pas një marrëveshjeje për të rikthyer marrëdhëniet vitin e shkuar.
Jalahma ka mbajtur më parë postin e kreut të Drejtorisë së Operacioneve në Ministrinë e Jashtme të Bahreinit. Ai ka shërbyer gjithashtu si zëvendës shef i misionit të mbretërisë së Bahreinit në ambasadën e SHBA-së.
Ministri i Jashtëm i Izraelit, Gabi Ashkenazi, tha se një ekip nga vendi i vogël i Gjirit Persik pritet të mbërrijë në javët e ardhshme. Ata do të finalizojnë detajet e fundit për hapjen e ambasadës së Bahreinit në Izrael.
Ende nuk dihet nëse kjo e fundit do të jetë e vendosur në Jerusalem apo Tel Aviv.
Kjo lëvizje nga Bahreini ndjek atë të bërë nga Emiratet e Bashkuara Arabe. Më 1 mars, ambasadori i Emirateve mbërriti në Izrael. Këta të fundit e kanë vendosur ambasadën në Tel Aviv.
Në shtator 2020, Bahreini dhe Emiratet nënshkruan një marrëveshje me Izraelin për normalizimin e marrëdhënieve midis vendeve. Ndërmjetës për këto marrëveshje, ishte SHBA-ja.
Të tre vendet, kanë ndarë të njëjtat shqetësime për sa i përket Iranit.
Bahreini ka qenë një ndër vendet më neutrale në Gjirin Persik. Për shkak të kësaj pozite, është bërë shpesh faktor stabilizues në pellgun persik.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Qeveria po e trajton si armike shtresën e mesme, sipas Bashës
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Nëse Trump fiton, do të kërkojë angazhim me 3% të PBB-së për vendet e NATO-s
-
Regresi i Kosovës në lirinë e medias, Tahiri: S’do të kalohet pa llogaridhënie në Kuvend
Lajmet kryesore
-
Rama konfirmon vizitën në Athinë më 12 maj
-
SPAK mbyll hetimet, çon për gjykim Pëllumb Gjokën dhe anëtarë të tjerë të grupit kriminal
-
Nëse Trump fiton, do të kërkojë angazhim me 3% të PBB-së për vendet e NATO-s
-
Me ardhjen e Qeverisë Kurti ndryshoi qasja e Kosovës për marrëveshjen përfundimtare, thotë Lajçak