“Është në kundërshtim me Marrëveshjen e Brukselit”, reagon Bislimi pas BE-ja i kërkoj Kosovës të përfaqësohet me fusnotë
Zëvendës-kryeministri i Kosovës, Besnik Bislimi përmes një cicërime në rrjetin e tij social Twitter, ka reaguar pasi që ministri i Financave, Punës dhe Transfereve, Hekuran Murati, iu kërkua që të përfaqësohej me fusnotë për të marrë pjesë në konferencën e donatorëve për Turqinë dhe Sirinë pas tërmetit.
“Është e padrejtë si dhe në kundërshtim me Marrëveshjen e Brukselit dhe karakterin e kësaj konference. Kosova është një partner i besueshëm për aleatët e saj, organizatat ndërkombëtare dhe iniciativat e përbashkëta”, shkroi Bislimi në Twitter.
Ai shtoi se përkundër dëshirës së Kosovës, “ndihma dhe mbështetja jonë u pamundësua sot nga organizatori”.
“Republika e Kosovës është treguar bujare në ndihmën e saj për të prekurit nga tërmetet shkatërruese të muajit të kaluar. Por ylli i papranueshëm e pengoi Kosovën dhe ministrin e Financave, Hekuran Murati nga pjesëmarrja në konferencën e sotme të donatorëve për ndihmë të mëtejshme”, potencoi ai.
Ndryshe, në konferencën e donatorëve të organizuar nga Bashkimi Evropian për t’i dalë në ndihmë Turqisë dhe Sirisë pas tërmetit, ministri i Financave, Punës dhe Transfereve, Hekuran Murati, ka njoftuar që Kosova nuk është lejuar që të merr pjesë, përkundër dëshirës së saj pasi që i është kërkuar që të përfaqësohet me fusnotë.
“Fatkeqësisht, vendi im nuk mundi të merrte pjesë dhe të kontribuonte për shkak të trajtimit jokorrekt dhe diskriminues nga organizatori, i cili këmbënguli në përdorimin e yllit në kundërshtim me shkronjën e marrëveshjes fillestare të Brukselit dhe frymën e konferencës së sotme”, ka shkruar Murati në rrjetin e tij social në Twitter.
Tutje, ai përshkroi sfidat që kaloi për të arritur tek destinacionin ku do të mbahej konferenca dhe shprehu gatishmërinë e qeverisë që e përfaqëson për mbështetje financiare për vendet e prekura nga tërmeti.
”U deshën ndërrimi i tre aeroplanëve për të arritur sot në Bruksel për të marrë pjesë në konferencën e donatorëve në mbështetje të njerëzve të Turqisë dhe Sirisë të prekur nga tërmetet shkatërruese. Qeveria e Kosovës dëshiron të zotohet për mbështetje financiare dhe të jetë pjesë e të gjitha ndërkombëtareve. përpjekjet për të ndihmuar“, ka deklaruar Murati.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti i thotë Scholzit se shpreson në mbështetjen e Gjermanisë për anëtarësimin e Kosovës në Këshillin e Evropës
-
Tregtarët e Belshit sërish në protestë për zhvendosjen e tregut, Bashkia: Zhvillimi i tregtisë aty ishte burim aksidentesh
-
Knaus konsideron se draft-statuti aktual ‘shkel’ Kushtetutën e Kosovës dhe kapërcen ‘vijat e kuqe’ të SHBA-së
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
Lajmet kryesore
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
-
Bardhi dhe Gjekmarkaj braktisin mbledhjen e Konferencës së Kryetarëve
-
Blinken ka ‘shpresë’ se Hamasi do të pranojë marrëveshjen ‘jashtëzakonisht bujare’ të Gazës
-
Kërkohet vazhdimi i masës së paraburgimit ndaj Jakup Krasniqit