Kryetari i Partisë Social-demokrate, Dardan Molliqaj, përmes një video-mesazhi në llogarinë e tij në “Facebook”, ka tentuar të zbërthejë pse Ambasada e Shteteve të Bashkuara dhe ajo e Gjermanisë po e kritikojnë opozitën për propozimin e Bashkimit Evropian.
Në radhë të parë, tha Molliqaj, ky pozicion kritik ndaj opozitës e qartëson se ekzekutivi është pajtuar më planin franko-gjerman, kurse në radhë të dytë, tregon që opozita ka kalkuluar gabim për interesa elektorale që Albin Kurti ose Qeveria e Kosovës nuk do ta pranojë këtë plan.
“Duke e pasur këtë analizë të gabuar, ata janë ofruar para bashkësisë ndërkombëtare duke e mbështetur fillimisht këtë plan dhe duke e mbështetur edhe themelimin e Asociacionit [të Komunave me shumicë serbe]”.
“Prandaj, sot kur ata kritikojnë planin dhe themelimin Asociacionit nga bashkësia ndërkombëtare quhen si lojëra politike, sepse e vërejnë se kundërshtimi nuk ka bazë parimore e as të vullnetit politik, por është një kalkulim politik”, shtoi Molliqaj.
Megjithatë, kreu i PSD-së kritikoi edhe përfaqësuesit e shteteve respektive.
“Por, nuk duhet të harrojmë që edhe kritika e ambasadave në Kosovë tash ndaj opozitës parlamentare është jo-demokratike. Ambasadat kanë të drejtë të mbështesin pikëpamjet e tyre politike, por është jo-demokratike të cenohet e drejta e shprehjes”, tha ai.
Ndryshe, dy partitë më të mëdha opozitare – Partia Demokratike dhe Lidhja Demokratike – vlerësojnë se propozimi evropian për normalizimin e marrëdhënieve Kosovë-Serbi nuk është në favor të Kosovës, pasi s’e ka njohjen reciproke në qendër, por formimin e Asociacionit të Komunave me shumicë serbe.
Kjo ka shqetësuar ShBA-në, që në një përgjigje me shkrim për mediat në Prishinë, kanë deklaruar se qëndrimet e partive më të mëdha opozitare në vend nuk përputhen me qëndrimet amerikane.
“Jemi të shqetësuar me deklaratat e bëra nga drejtues dhe zyrtarë të partive opozitare që shprehin kundërshtimin e tyre ndaj propozimit të BE-së”, tha një zëdhënëse e ambasadës amerikane në Prishtinë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Von der Leyen vë bast gjithçka mbi Ursulën
-
ASK-ja: Komuniteti serb në jug po regjistrohet – për hezitimin e qytetarëve në Veri kemi zhvilluar takim me institucione ndërkombëtare
-
Tritoli në banesën e gjyqtarit, Unioni i Gjyqtarëve: Akt kriminal, kërcënim ndaj të gjithë magjistratëve
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku
Lajmet kryesore
-
Tritoli në banesën e gjyqtarit, Unioni i Gjyqtarëve: Akt kriminal, kërcënim ndaj të gjithë magjistratëve
-
Karabina: PD është e vendosur në mbështetjen e pakushtëzuar ndaj SPAK-ut, nëpërmjet amendamenteve të saj
-
Duke treguar përgjegjësi të guximshme për Evropën tonë
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku