Skiatorja që përfaqëson Shqipërinë në Kampionatin Botëror të Skive për të Rinj në St.Anton të Austrisë, Lara Colturi ka arritur të marrë medaljen e artë të radhës.
Pasi u shpall kampione Bote në garën e Skive Alpine, kategoria Super G për grupmoshat U-21 dhe mori medaljen e artë në disiplinën Downhill U-18 të premten, Lara la gjurmë përsëri.
Në garën e fundit të zhvilluar këtë të shtunë, skiatorja me orgjinë italiane, por e natyralizuar në shqiptare arriti triumfin në Giant Slalom U-18.
Kujtojmë që Lara është vetëm 16-vjeçe dhe e mbyll aventurën në Kampionatin Botëror të Austrisë me tre medalje të arta. Ajo u rendit e treta në renditjen e përgjithshme.
Gara e kësaj të shtune ishte gara e fundit në Kampionatin botëror të të Rinjve pasi do të zhvendoset në Kronplatz për etapën e rradhës së Kupës së Botës dhe në datën 26 janar, Colturi do të marri pjesë në Festivalin Olimpik Evropian Rinor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE