Viti 2023 ka hyrë pozitivisht për monedhën Euro.
Sipas kursit zyrtar të Bankës së Shqipërisë, Euro u këmbye të enjten me 116.09 lekë, në rritje me 1.55 pikë krahasuar me të mërkurën dhe me 1.86 pikë krahasuar me fundin e vitit 2022.
Festat e fundvitit panë një rënie historike të valutës evropiane euro në tregun shqiptar.
Sa i përket vitit 2022, prej fillimit të tij, me gjithë krizën e inflacionit pas luftës në Ukrainë, euro është zhvlerësuar me 6.44%, duke kaluar nga nivele mesatarisht 125 lekë në 113 lekë përgjatë muajve të fundit.
Më 27 qershor, euro do të kapte nivelin më të ulët në 14 vite, kur u vlerësua me 119.24 lekë.
Kjo gjithsesi, do të ishte thjesht nisja e një rënieje edhe më të madhe të monedhës kryesore në kontinentin e vjetër.
Ndër arsyet kryesore që ekspertët radhitën, ishte oferta e euros në treg, e cila gjatë gjithë kohës është paraqitur e lartë.
Disa ngjarje, si finalja e UEFA Conference League, një sezon i mirë veror apo edhe aktivitete të tjera, e çuan monedhën evropiane në zhvlerësim.
Një faktor, sipas ekspertëve, ka qenë edhe lufta në Ukrainë, duke i shtuar në gjithë këtë krizën e pandemisë COVID-19, paraprirëse ndaj luftës, e cila solli zhvlerësim të euros.
Pas sezonit të mirë veror dhe pushuesve të shumtë të ardhur në vend, festat e fundvitit po ndikojnë edhe ato në zhvlerësimin e mëtejshëm.
Oferta e lartë, është ndikuar kështu edhe nga rritja e turizmit në gjithë Shqipërinë, pas ofrimit të një sezonin më të gjerë turistik dhe atij në të 365 ditët e vitit, ku mund të ofrohet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Beci: Të tronditur nga humbja e një nëne dhe tre fëmijëve, institucionet të veprojnë
-
Travel off Path: Shqipëria, destinacioni me rritjen më të shpejtë në Evropë
-
Për britaniken Express, Dhërmiu është destinacioni më i bukur evropian për pushimet 2024
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel