Sipërmarrësi amerikan Elon Musk ka arritur të zgjidhë mosmarrëveshjen që kishte me gjigandin teknologjik “Apple” për heqjen e “Twitter” nga dyqani virtuali i aplikacioneve të produkteve iPhone.
Lajmi u bë i ditur nga e përditshmja britanike “The Guardian”, duke cituar një deklarate të Elon Musk.
Ai ka thënë se ka “zgjidhur” një keqkuptim me “Apple” lidhur me pretendimin e tij se Twitter po kërcënohej me heqje nga dyqani i aplikacioneve të iPhone.
Pronari i ri i Twitter-it postoi të mërkurën se ai kishte pasur një “bisedë të frytshme” me CEO-n e “Apple”, Tim Cook .
Cfarë ndodhi?
Të hënën e 28 nëntorit, Musk përdori llogarinë e tij në Twitter për të ndarë me përdoruesit se “Apple” do të hiqte Twitter-in nga dyqani i aplikacioneve për arsye të paspecifikuara.
Drejtori Ekzekutiv i Tesla-s më pas pikënisi një seri publikimesh duke kritikuar “Apple” si dhe duke përfshirë politikën e saj për të marrë një ulje deri në 30 për qind nga shitjet e aplikacioneve.
Po një takim mes Musk dhe Cook duket se uli gjakrat.
Pretendimi i Musk se Apple po kërcënonte të hiqte Twitter nga dyqani i aplikacioneve të saj tregoi një thellim të problemeve financiare të platformës.
Drejtori ekzekutiv i Tesla-s ka pranuar tashmë se Twitter ka pësuar një “rënie masive të të ardhurave” për shkak të reklamuesve që ndaluan shpenzimet e tyre në platformë.
Kjo, duke reflektuar shqetësimet për një rritje të përmbajtjes së papërshtatshme në platformë pas blerjes nga Musk.
Udhëzimet e dyqanit të aplikacioneve të Apple deklarojnë se kompania nuk do të pranojë aplikacione që prodhojnë përmbajtje ose sjellje që nuk janë të përshtatshme.
Musk kohët e fundit postoi një prezantim të brendshëm që tregonte se numrat e përdoruesve ditorë të Twitter-it rriteshin mbi 250 milionë, krahasuar me pak më pak se 238 milionë në verë.
Musk, një i vetë-përshkruar “absolutist i fjalës së lirë”, ka rivendosur llogarinë e Donald Trump në Twitter dhe ka shpallur një amnisti për llogaritë e pezulluara përgjithmonë.
Gjithashtu këtë javë u bë me dije se Twitter nuk do të zbatojë më politikën e tij kundër keqinformimeve të COVID-19.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”